মৰাণ, 29 এপ্ৰিল : প্ৰাক্তন আলফা নেতা জীৱন মৰাণ ওৰফে গুণ অসমক বৃহস্পতিবাৰে অৰুণাচল সীমান্তৰ সেনাৰ জিম্মাৰ পৰা ডিব্ৰুগড়লে লৈ অহা হয় ৷ অসম আৰক্ষীৰ হৈ নামৰূপৰ উপ-আৰক্ষী অধীক্ষক কুলপ্ৰদীপ ভট্টাচাৰ্যই নেতৃত্বত লৈ অহা হয় জীৱন মৰাণক ৷ ডিব্ৰুগড়ত জীৱন মৰাণৰ স্বাস্থ্য পৰীক্ষা কৰা হয় ৷
উল্লেখ্য যে, ১৯৮৪ চনত সংগঠনটোত যোগদান কৰা বৰ্তমানৰ ৬৫ বছৰীয়া আলফা নেতা জীৱন মৰাণে বাৰ্মাত প্ৰশিক্ষণ লৈছিল । ৩৭ বছৰৰ পাচত আলফাৰ পৰা অব্যাহতি লৈ ওপজা ভূমিলৈ উভতিছে জীৱন মৰাণ ।
তিনিচুকীয়া জিলাৰ কাকপথাৰৰ উবন গাঁৱত ঘৰ মৰাণৰ । স্বাস্থ্য জনিত কাৰণত জ্যেষ্ঠ আলফাৰ নেতাৰ মৰাণে আলফা ত্যাগ কৰি মূল সুঁতিলৈ আহিছে বুলি ইতিমধ্যে এক খবৰ প্ৰকাশ পাইছে ৷
লগতে পঢ়ক: মাণিকপুৰত উপস্থিত ডিআইজি দীলিপ কুমাৰ দে
