নাহৰকটীয়া,1 ছেপ্তেম্বৰ: নাগৰিকত্ব সংশোধনী আইন আৰু EIA 2020 বাতিলৰ দাবীত বিগত কিছুদিনৰ পৰা সদৌ অসম ছাত্ৰ সন্থাই ৰাজ্যজুৰি আৰম্ভ কৰিছে প্ৰতিবাদ ৷ মঙলবাৰে পুনৰ একে দাবী উত্থাপন কৰি প্ৰতিবাদত বহে চাচনীবাসী ৷ চাচনী আঞ্চলিক ছাত্ৰ সন্থাৰ উদ্যোগত মঙলবাৰে পুৱা 9 বজাৰ পৰা 24 ঘণ্টীয়া অনশনেৰে আৰম্ভ হয় এই প্ৰতিবাদী কাৰ্যসূচী ৷ ছাত্ৰ সন্থাৰ সদস্যসকলক এই কাৰ্যত সহযোগ আগবঢ়াই চাচনীৰ একাংশ স্থানীয় লোকে ৷ উল্লেখ্য যে, বিগত সময়ছোৱাতো চাচনীবাসীয়ে জাতিধ্বংসী নাগৰিকত্ব সংশোধনী আইন বাতিলৰ বিৰুদ্ধে আইনী যুঁজ অব্যাহত ৰাখিবলৈ সদৌ অসম ছাত্ৰ সন্থাক আগবঢ়াইছিল প্ৰায় 400 কুইণ্টল ধান ৷
মঙলবাৰে প্ৰতিবাদস্থলীৰ পৰা ডিব্ৰুগড় জিলা আছুৰ লগতে চাচনী আঞ্চলিক ছাত্ৰ সন্থাৰ সদস্যসকলে পৰৱৰ্তী সময়ত চৰকাৰে এই বিষয়ত গুৰুত্ব আৰোপ নকৰিলে জংগী আন্দোলনৰ মুখামুখি হ’ব লাগিব বুলি হুংকাৰ প্ৰদান কৰে ৷
লগতে চাওকঃ কাজিনেমু আৰু কোমল চাউললৈ জি আই টেগ ...
