মৰাণ,18 আগষ্ট: নতুনকৈ গঠন হোৱা চৰাইদেউ জিলাখনৰ প্ৰশাসনীয় কাম কাজৰ বাবে সুবিধা হোৱাকৈ প্ৰশাসনীয় ভৱন সমূহ নিৰ্মাণৰ বাবে চেষ্টা অব্যাহত ৰাখিছে চৰকাৰ তথা জিলা প্ৰশাসনে ৷ ইয়াৰ মাজতে বুধবাৰে শুভাৰম্ভ কৰা হয় চৰাইদেউ জিলা আৰক্ষী অধীক্ষকৰ স্থায়ী কাৰ্যালয়ৰ নিৰ্মাণকাৰ্য ৷ যোৰহাট লোকসভা সমষ্টিৰ সাংসদ তপন কুমাৰ গগৈ আৰু সোণাৰি বিধানসভা সমষ্টিৰ বিধায়ক ধৰ্মেশ্বৰ কোঁৱৰে এই নিৰ্মাণ কাৰ্যৰ আধাৰশিলা স্থাপন কৰে ৷
আৰক্ষী অধীক্ষকৰ স্থায়ী কাৰ্যালয়ৰ নিৰ্মাণকাৰ্যৰ শুভাৰম্ভ কৰি সাংসদ তপন কুমাৰ গগৈয়ে কয় যে, এই আৰক্ষী অধীক্ষকৰ স্থায়ী কাৰ্যালয়ে আৰক্ষী আৰু ৰাইজৰ মাজত সমন্বয় স্থাপনৰ গুৰুত্বপূৰ্ণ ভূমিকা গ্ৰহণ কৰিব ৷ লগতে কাৰ্যালয় নিৰ্মাণৰ বাবে চৰকাৰে 3 কোটি টকা দিয়া বুলিও উল্লেখ কৰে সাংসদ গৰাকীয়ে ৷ উক্ত আধাৰশিলা স্থাপন অনুষ্ঠানত চৰাইদেউ জিলা প্ৰশাসনৰ লগতে আৰক্ষী প্ৰশাসনৰ বিষয়া সকল উপস্থিত থাকে ৷
উল্লেখ্য যে,সোণাৰিৰ বানফেৰাত অনুষ্ঠিত হয় এই আধাৰশিলা স্থাপন কাৰ্যসূচী ৷
লগতে পঢ়কঃ নৰ্দমাৰ পানীৰ তলত এখন চৰকাৰী বিদ্যালয়
