মৰাণ, ১৫ ডিচেম্বৰ: 'কা' আন্দোলনৰ পাছতে সদৌ অসম ছাত্ৰ সন্থা, অসম জাতীয়তাবাদী যুৱ ছাত্ৰ পৰিষদকে ধৰি কেইবাটাও কা বিৰোধী জাতীয় সংগঠনৰ পৃষ্ঠপোষকতাত জন্ম লাভ কৰিছিল অসম জাতীয় পৰিষদে । অসম জাতীয় পৰিষদে তিনিটা বৰ্ষ অতিক্ৰম কৰা উপলক্ষে তৃতীয়টো প্ৰতিষ্ঠা দিৱস পালনৰ ব্যাপক প্ৰস্তুতি চলিছে । অসম জাতীয় পৰিষদৰ তৃতীয় বাৰ্ষিক 'কেন্দ্ৰীয় প্ৰতিষ্ঠা দিৱস অহা ১৭ ডিচেম্বৰত নাহৰকটীয়া সমষ্টিৰ জামুগুৰিত অনুষ্ঠিত হ'ব । বৃহস্পতিবাৰে এক সংবাদমেলযোগে এদিনীয়াকৈ অনুষ্ঠিত হ'বলগীয়া কেন্দ্ৰীয় প্ৰতিষ্ঠা দিৱসৰ কাৰ্যসূচী সম্পৰ্কে ব্য়াখ্য়া কৰে আয়োজক সমিতিয়ে ।
এই উদ্দেশ্য জামুগুৰি ৰাজহুৱা খেলপথাৰত প্ৰস্তুতি তুংগত উঠিছে । অসম জাতীয় পৰিষদৰ ডিব্ৰুগড় জিলা সমিতিৰ উদ্যোগত, নাহৰকটীয়া সমষ্টি সমিতিৰ সহযোগত তথা দীঘলীয়া পঞ্চায়ত সমিতি আৰু স্থানীয় ৰাইজৰ সহযোগত অনুষ্ঠিত হ'বলগীয়া প্ৰতিষ্ঠা দিৱসৰ কাৰ্যসূচীত অসম জাতীয় পৰিষদৰ সকলো কেন্দ্ৰীয় নেতৃবৃন্দ উপস্থিত থাকিব। কালি প্ৰতিষ্ঠা দিৱসৰ উপলক্ষে উদযাপন স্থলীতে সংবাদমেল অনুষ্ঠিত কৰি প্ৰতিষ্ঠা দিৱসৰ প্ৰস্তুতি সম্পৰ্কে অৱগত কৰিলে উদযাপন সমিতিৰ বিষয়ববীয়া সকলে। ইয়াৰ সৈতে সংগতি ৰাখি কেইবাটাও কাৰ্যসূচীৰ আয়োজন কৰা হৈছে ।
