ব্ৰেড আৰু কণীত বিষক্ৰিয়া হৈ হাস্পতালত ভৰ্ত্তি স্কুলীয়া ছাত্ৰী

বিষক্ৰিয়াত আক্ৰান্ত হৈ বৰ্তমান আই চি ইউ ত চিকিৎসাধীন হৈ থকাসকলৰ অৱস্থা সংকট জনক বুলি জানিবলৈ দিয়ে চিকিৎসকে

ডিব্ৰুগড়,12 মাৰ্চ :চুলাই মদ,কাঠফুলাৰ পাচত এইবাৰ ব্ৰেড আৰু কণীত বিষক্ৰিয়া । আক্ৰান্ত হৈছে ইজনৰ পাচত সিজনকৈ বহুকেইজন ছাত্ৰ-ছাত্ৰী । ধেমাজিৰ চিমেনচাপৰিত সংঘটিত এই ঘটনাই এতিয়া সৃষ্টি কৰিছে তীব্ৰ চাঞ্চল্যৰ । উল্লেখ্য যে,ধেমাজি চিমেনচাপৰি চানজাৰি নগৰত তিনিদিনীয়া কাৰ্যসূচীৰে অনুষ্ঠিত হৈছিল ইউনাইটেডবড়ো পিপলচ অৰগেনাইজেশ্বন (United's Bodo people's organization) ৰ পঞ্চম বাৰ্ষিক অধিৱেশন ।মঙলবাৰেদ্বিতীয় দিনাৰ অনুষ্ঠানত ব্ৰেড আৰু কণী খোৱাৰ পাচৰে পৰা বমি,পায়খানা,পেটৰ বিষ আদি বিভিন্ন ৰোগত আক্ৰান্ত হৈ পৰে ছাত্ৰ-ছাত্ৰীসকল ৷ ডিব্ৰুগড় সঞ্জীৱনী হাস্পতালত বৰ্তমান দহগৰাকী চিকিৎসাধীন হৈ আছে বুলি জানিব পৰা গৈছে ৷ ইয়াৰ উপৰিও বিষক্ৰিয়াত আক্ৰান্ত হৈ বৰ্তমান আই চি ইউ ত চিকিৎসাধীন হৈ থকাসকলৰ অৱস্থা সংকট জনক বুলি জানিবলৈ দিয়ে চিকিৎসকে ৷ আক্ৰান্ত সকল ক্ৰমে নৱম শ্ৰেণীৰ জুমি নাৰ্জাৰী (14), মিতালী স্বৰ্গীয়াৰী (14),প্ৰীতি বসুমতাৰী,ৰিতুমনী নাৰ্জাৰী, অঞ্জলী বসুমতাৰী, মণিকা দৈমাৰী,অঞ্জলী বড়ো,ৰংজুলী স্বৰ্গীয়াৰী, বিজু গীয়াৰী,উষাৰাণী বসুমতাৰী বুলি জানিব পৰা গৈছে ৷