ডিব্ৰুগড়, 15 ফ্ৰেব্ৰুৱাৰী: ম্যানমাৰৰ দুৰ্গম অৰণ্য নেওচি NSCN (KY) উগ্ৰপন্থী সংগঠনৰ হাতৰ পৰা নিৰাপদে ঘুৰি আহিবলৈ সক্ষম হোৱা টিংখাঙৰ ২ নং কেছেৰুগুৰী গাঁৱৰ হীৰেন কোঁচৰ বাসগৃহত উপস্থিত হয় ডিব্ৰুগড় জিলা আৰক্ষী অধীক্ষক শ্বেতাংক মিশ্ৰা (Dibrugarh SP met Hiren Konch) ।
দেওবাৰে নিশা নিজ বাসগৃহত সোঁশৰীৰে উপস্থিত হোৱা হীৰেন কোঁচৰ পৰা ঘটনা সন্দৰ্ভত বুজ ল'বলৈ সোমবাৰে জিলা আৰক্ষী অধীক্ষক গৰাকী হীৰেন কোঁচৰ বাসগৃহত উপস্থিত হয় । হীৰেন কোঁচৰ সৈতে আৰক্ষী অধীক্ষক মিশ্ৰাই সকলো কথা পোনপটীয়াকৈ আলোচনা কৰে (NSCN kidnapped Hiren Konch)। তেওঁ ঘটনা সংঘটিত হোৱা দিনাৰ পৰাই লংডিং আৰক্ষীৰ লগত যোগাযোগ কৰি থকা বুলি সদৰী কৰে ৷
ঘটনাত নগা উগ্ৰপন্থী সংগঠনে হীৰেন কোঁচে কৰ্মৰত কোম্পানীটোৰ পৰা ধন দাবী কৰিবলৈকে NSCN (KY) জড়িত থকা বুলি দাবী কৰে । বৰ্তমান হীৰেন কোঁচক শংকিত নহ'বলৈ কোৱাৰ লগতে তেওঁ যদি নিজৰ থকা ঠাইতে কাম কৰিবলৈ বিচাৰে তেতিয়া হ'লে আৰক্ষী প্ৰশাসনৰ ফালৰ সহায় কৰিব বুলি আৰক্ষী অধীক্ষক গৰাকীয়ে আশ্বাস প্ৰদান কৰে ।
লগতে পঢ়ক : Maradonas stolen watch case : জামিনত মুকলি অভিযুক্ত ৱাজিদ হুছেইন
