টিংখাং, 20 মাৰ্চ: চৰাইদেউ জিলাৰ বৰহাট চাহ বাগিছাৰ হালোৱা গাওঁত পথৰ কাষত উদ্ধাৰ হৈছে এজন লোকৰ মৃতদেহ । মৃতদেহটো বৰহাট চাহ বাগিচাৰ ১নং গাঁৱৰ প্ৰধান চুকৰ দ্বীপ প্ৰধান (৫০) বুলি চিনাক্ত কৰা হৈছে ৷ শুকুৰবাৰে সন্ধিয়া বন্ধুৰ ঘৰলৈ গৈ নিশা ৮ বজাত ঘূৰি অহাৰ পথত নিৰুদ্দেশ হৈছিল লোকজন ।আনহাত বহু পলম হোৱা স্বত্বেও নিজ গৃহলৈ ঘূৰি নহাত ঘৰৰ মানুহে খবৰ লবলৈ গৈ মৃতদেহ টো প্ৰত্যক্ষ কৰে ৷
পৰৱৰ্তী সময়ত ঘটনাস্থলীত বৰহাট আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে ৷ এতিয়া আৰক্ষীৰ তদন্তৰ পাছতহে সমগ্ৰ ঘটনাৰ প্ৰকৃত ৰহস্য পোহৰলৈ আহিব ৷
লগতে পঢ়ক: তৃতীয় পৰ্য্যায়ৰ নিৰ্বাচনৰ মনোনয়ন দাখিল সন্দৰ্ভত ধুবুৰী জিলা উপায়ুক্তৰ সংবাদমেল
