হাতীৰ বাবে সংস্থাপন কৰা বিদ্যুতৰ তাঁৰত লাগি নিহত কিশোৰ

উক্ত হাতীৰ জাকটোৱে ধাননি পথাৰসমূহ তহিলং কৰি অহাৰ পিচতো কোনো কানসাৰ নাই বন বিভাগৰ। সেয়ে বৈদ্যুতিক তাঁৰৰ জৰিয়তে হাতী খেদাৰ ব্যৱস্থা কৰে স্থানীয় ৰাইজে । কিন্তু হাতীৰ বাবে লগোৱা বৈদ্যুতিক তাঁৰত লাগি সোমবাৰে দুৰ্ভাগ্যজনকভাৱে বিদ্যুৎপৃষ্ঠ হৈ থিতাতে নিহত হয় সুমন মৰাণ নামৰ কিশোৰজন ৷

ডিব্ৰুগড়, 4 নৱেম্বৰ: ডিব্ৰুগড়ৰ চেচা-নগাঁৱত সংঘটিত হ'ল এক শোকাৱহ দুৰ্ঘটনা ৷ হাতীৰ বাবে সংস্থাপন কৰা বিদ্যুতৰ তাঁৰত লাগি মৃত্যু হয় এজন কিশোৰৰ ৷ নিহত কিশোৰ জনৰ নাম সুমন মৰাণ বুলি জানিব পৰা গৈছে। ঘটনা সন্দৰ্ভত পোৱা তথ্য অনুসৰি, বৃহত্তৰ অঞ্চলটোত দীৰ্ঘদিনৰ পৰা মেডেলা সংৰক্ষিত বনাঞ্চলৰ পৰা খাদ্যৰ সন্ধানত ওলাই অহা এজাক বনৰীয়া হাতীয়ে উপদ্ৰপ চলাই আহিছে ৷ উক্ত হাতীৰ জাকটোৱে ধাননি পথাৰসমূহ তহিলং কৰি অহাৰ পিচতো কোনো কানসাৰ নাই বন বিভাগৰ। সেয়ে বৈদ্যুতিক তাঁৰৰ জৰিয়তে হাতী খেদাৰ ব্যৱস্থা কৰে স্থানীয় ৰাইজে । কিন্তু হাতীৰ বাবে লগোৱা বৈদ্যুতিক তাঁৰত লাগি সোমবাৰে দুৰ্ভাগ্যজনকভাৱে বিদ্যুৎপৃষ্ঠ হৈ থিতাতে নিহত হয় সুমন মৰাণ নামৰ কিশোৰজন ৷ লগতে গুৰুত্বৰভাৱে আহত হয় আন দুজন কিশোৰ ক্ৰমে দিগন্ত দিহিঙীয়া আৰু মৃদুল চাংমাই। উক্ত ঘটনাৰ পিচত উচিত পদক্ষেপ গ্ৰহণ কৰিব নে বন বিভাগে নে পুনৰাবৃত্তি হ'ব এই ঘটনাৰ সেয়া লক্ষণীয় হ'ব ৷