টিংখাং, 14 মাৰ্চ: ৰাজ্যৰ সকলো প্ৰান্ততে এতিয়া বলিছে নিৰ্বাচনী বতাহ ৷ নিজ নিজ ৰণকৌশলেৰে প্ৰত্যেক ৰাজনৈতিক দল তথা প্ৰাৰ্থী এতিয়া নিৰ্বাচনী প্ৰচাৰত নামি পৰিছে ৷ ইয়াৰ ব্যতিক্ৰম ন'হল টিংখাং সমষ্টিৰ বাবে কংগ্ৰেছ দলৰ পৰা মনোনীত প্ৰাৰ্থী এটুৱা মুণ্ডা ৷ অতি সীমিত সংখ্যক সমৰ্থকক লৈ দেওবাৰে টিংখাং সমষ্টিৰ বাবে কংগ্ৰেছ দলৰ মনোনীত প্ৰাৰ্থী গৰাকীয়ে সমষ্টিটোৰ ঘৰে ঘৰে নিৰ্বাচনী প্ৰচাৰ চলাই ৷
সীমিত সংখ্যক দলীয় সমৰ্থকক লগত লৈ ঘৰে ঘৰে নিৰ্বাচনী প্ৰচাৰ চলাই টিংখাঙৰ প্ৰাক্তন বিধায়ক তথা এইবাৰৰ প্ৰাৰ্থী মুণ্ডাই সকলোকে কংগ্ৰেছক ভোট দিবলৈ আহ্বান জনায় ৷ মুণ্ডাই দাবী কৰে যে, এইবাৰ বিধনসভা নিৰ্বাচনত ৰাইজে কংগ্ৰেছক ভোট দিব আৰু তেঁওৰ বিজয় নিশ্চিত ৷
উল্লেখ্য যে, অহা 27 মাৰ্চত ৰাজ্যত প্ৰথম পৰ্যায়ৰ বিধানসভা নিৰ্বাচন অনুষ্ঠিত হ'ব ৷ অতি সম্প্ৰতি নিৰ্বাচনী প্ৰচাৰ চলোৱাৰ উদ্দেশ্যে শাসক দল বিজেপিৰ লগতে মূল বিৰোধী কংগ্ৰেছে নিজ নিজ দলৰ প্ৰচাৰৰ বাবে ষ্টাৰ কেম্পেইনাৰৰ তালিকা প্ৰকাশ কৰিছে ৷
লগতে পঢ়ক: একেদিনাই আঠখনকৈ নিৰ্বাচনী সভাত অংশ বিমল বৰাৰ
