ধুবুৰী, 16 জুনঃ কৰ'ণা ভাইৰাছ সংক্ৰমণ ৰোধৰ বাবে দেশত জাৰি কৰা লক ডাউনে দেশৰ অৰ্থনীতিত বাৰুকৈয়ে প্ৰভাৱ পেলাইছে । ইয়াৰ অংশ স্বৰূপে তীব্ৰ অৰ্থ সংকটত ভুগিছে ধুবুৰী জিলাৰ সীমান্তৱৰ্তী খেৰবাৰী-বাউসেৰকুটী গাঁৱৰ শিপিনী সকল,যি অঞ্চল অসমৰ দ্বিতীয় শুৱালকুছি হিচাপে পৰিচিত ।
খেৰবাৰী-বাউসেৰকুটী গাঁৱৰ প্ৰায় পাঁচ সহশ্ৰাধিক লোক তাঁত শালৰ লগত জড়িত । কিন্তু লক ডাউনৰ ফলত তাঁত শালত কাপোৰ বনোৱা কাম সম্পূৰ্ণৰূপে বন্ধ হৈ আছে । যাৰ ফলত শিপিনী সকলৰ অৱস্থা পানীত হাঁহ নচৰা হৈছে ।
ইপিনে বহু সংখ্যক শিপিনীয়ে মাইক্ৰ ফাইনেঞ্চৰ পৰা লোৱা ঋণ পৰিশোধ কৰিব পৰা নাই, যাৰ বাবে অধিক চিন্তিত হৈ পৰিছে তেওঁলোক । শিপিনী সকলে এতিয়া বাট চাইছে চৰকাৰৰ সহায়ৰ বাবে । শিপিনী সকলে ঋণ মাফৰ বাবে অনুৰোধ জনোৱাৰ লগতে আৰ্থিক অনুদান দিবলৈ আহ্বান জনাইছে ।
লগতে চাওকঃ শোণিতপুৰত কৰ'ণা ৰোগীৰ সংখ্যা ৭৩ লৈ বৃদ্ধি
