জলাশয়ত গা ধুৱলৈ গৈ সন্ধানহীন দুজন যুৱক

খবৰ দিয়াৰ পিছতো ঘটনাস্থলীত বহু সময়লৈকে উদ্ধাৰকাৰী দল উপস্থিত নোহোৱাত ক্ষোভিত হৈ পৰে স্থানীয় ৰাইজ ৷

বিলাসীপাৰা,2জুলাইঃ বিলাসীপাৰাৰ বাতাপাৰাত বৃহস্পতিবাৰে সংঘটিত হয় এক শোকাৱহ ঘটনা ৷ জলাশয়ত গা ধুৱলৈ গৈ সন্ধানহীন হৈ পৰে দুজন যুৱক ৷ সন্ধানহীন যুৱক দুজন আজাদুল ইছলাম(২০)আৰু আৰ্শাদ আলী (১৮) বুলি জানিব পৰা গৈছে ৷

জলাশয়ত গা ধুৱলৈ গৈ সন্ধানহীন দুজন যুৱক

ইপিনে উদ্ধাৰকাৰী দলক খবৰ দিয়াৰ পিছতো ঘটনাস্থলীত বহু সময়লৈকে উদ্ধাৰকাৰী দল উপস্থিত নোহোৱাত ক্ষোভিত হৈ পৰে স্থানীয় ৰাইজ ৷ উপায়ন্তৰ হৈ স্থানীয় লোকে মাছ ধৰা জাল আদিৰে উদ্ধাৰ অভিযান চলায় ৷

বৰ্তমান পৰ্যন্ত যুৱক দুজনৰ কোনো সন্ধান উলিয়াবলৈ সক্ষম হোৱা নাই বুলি জানিব পৰা গৈছে ৷ যুৱক দুজনৰ ঘৰ বিলাসীপাৰা চহৰৰ ২ নম্বৰ ৱাৰ্ডৰ বাতাপাৰাত বুলি স্থানীয় ৰাইজে উল্লেখ কৰে ৷ দুৰ্ভাগ্য জনক ঘটনাটোৱে সমগ্ৰ অঞ্চলটোতে ব্যাপক চাঞ্চল্যৰ সৃষ্টি কৰিছে ৷

জলাশয়ত গা ধুৱলৈ গৈ সন্ধানহীন দুজন যুৱক

লগতে পঢ়কঃ দৰঙত পুনৰ এগৰাকীৰ দেহত কোভিড-19 পজিটিভ