ধুবুৰী, 13 ছেপ্টেম্বৰঃৰাজ্যত সঘনে সংঘটিত হৈছে ইটোৰ পিছত সিটোকৈ চুৰি কাণ্ড ৷ আৰক্ষীৰ নিস্ক্ৰিয়তাৰ সুযোগ গ্ৰহণ কৰি ৰাজ্যত অব্যাহত আছে চোৰৰ সন্ত্ৰাস ৷
বিলাসীপাৰাত খিড়িকী ভাঙি চোৰে লুটিলে লক্ষাধিক টকাৰ সোণৰ আ-অলংকাৰ
বিলাসীপাৰাৰ সূৰ্যখাতা ২য় খণ্ড গাঁৱত গৃহস্থৰ ঘৰত চোৰে চলালে চাফাই অভিযান। | ভাৰতীয় সেনা বাহিনীৰ জোৱান বিপুল চন্দ্ৰ নাথৰ ঘৰৰ পৰা চোৰে নগদ ধন সহ লক্ষাধিক টকাৰ সোণৰ আ-অলংকাৰ লুটি নিয়ে ৷ বাসগৃহৰ খিড়িকী ভাঙি ঘৰৰ ভিতৰত সোমাই শোৱনী কোঠাৰ আলমিৰাৰ তলা ভাঙি লক্ষাধিক টকা মূল্যৰ সোণৰ আ-অলংকাৰ আৰু নগদ ধন লুটি নিয়ে চোৰে।
পিছত ঘটনা সন্দৰ্ভত বিলাসীপাৰা আৰক্ষী থানাত এখন এজাহাৰ দাখিল কৰে | ইতিমধ্যে ঘটনাস্থলীত আৰক্ষীৰ দল উপস্থিত হৈ তদন্ত প্ৰক্ৰিয়া আৰম্ভ কৰিছে |
