পূৱ বিলাসীপাৰাৰ চাপৰত ই-ৰিক্সাসহ দুই গভাইত চোৰ আটক

চাপৰৰ বিভিন্ন স্থানৰ পৰা সঘনাই বাইক-কম্পিউটাৰ আদি চুৰি কাৰ্যৰ লগত জড়িত দুটা চোৰক মঙলবাৰে নিশা আৰক্ষীয়ে চুৰি সামগ্ৰীসহ আটক কৰিবলৈ সক্ষম হয় ৷

পূৱ বিলাসীপাৰা,05 জুন : অৱশেষত চাপৰ আৰক্ষীৰ জালত পৰিল দীৰ্ঘ দিনৰ পৰা পূৱ বিলাসীপাৰাৰ চাপৰ অঞ্চলত টিঘিল ঘিলাই ফুৰা গাড়ী চুৰি চক্ৰ এটাৰ দুই সক্ৰিয় সদস্য ৷ চাপৰৰ বিভিন্ন স্থানৰ পৰা সঘনাই বাইক-কম্পিউটাৰ আদি চুৰি কাৰ্যৰ লগত জড়িত এই দুটা চোৰক মঙলবাৰে নিশা আৰক্ষীয়ে চুৰি সামগ্ৰীসহ আটক কৰিবলৈ সক্ষম হয় ৷

চাপৰৰ ফলিমাৰী প্ৰথম খণ্ড গাঁৱৰ বাসিন্দা এই দুই চোৰ ক্ৰমে- আব্দুল ৰচিদ আৰু তাহাজুদ্দিন ৷ এই দুই চুৰে দুখনকৈ ই-ৰিক্সা চুৰ কৰি আনি চাপৰ অঞ্চলত বিক্ৰী কৰিছিল ৷ তেনে সময়তে চাপৰ আৰক্ষীয়ে এক গোপন খবৰ লাভ কৰি, ই-ৰিক্সাসহ এই গভাইত চোৰ দুটাক আটক কৰে ৷ দীৰ্ঘ দিনৰ পৰা চাপৰ অঞ্চলত চুৰি কাৰ্যৰে ত্ৰাস সৃষ্টি কৰা এই চোৰ দুটাক আটক কৰাত স্থানীয় ৰাইজে সন্তোষ প্ৰকাশ কৰিছে ৷