ধুবুৰী, 6 নৱেম্বৰ: বহিঃৰাজ্যৰ পৰা ধুবুৰীলৈ চোৰাং কাঠৰ কলা বেহা চলি থকাৰ অভিযোগ দীৰ্ঘদিনীয়া । তেনে এক গোপন তথ্যৰ ভিত্তিত ধুবুৰীৰ ভানুমতী শ্ব-মিল নামৰ কাঠফলা মিলত শনিবাৰে নিশা অতৰ্কিতে প্ৰৱেশ কৰে ধুবুৰী আৰক্ষীৰ এটা দলে । অভিযানৰ সময়ত ধুবুৰী আৰক্ষীৰ দলটোৱে ডব্লিউ বি ৭৩ ডি- ২৫৫৮ নম্বৰৰ চোৰাং কাঠ ভৰ্তি ট্ৰাক এখনৰ পৰা কাঠৰ কুণ্ডা নমাই থকা অৱস্থাত আটক কৰে ট্ৰাকখন(Illegal timber laden truck seized) ।
আৰক্ষীৰ দলটোৱে এই সন্দৰ্ভত ধুবুৰী বন বিভাগক খবৰ দিয়াত ধুবুৰী বন বিভাগৰ প্ৰটেকচন ৰেঞ্জাৰ ভাৰ্গৱ হাজৰিকাৰ নেতৃত্বত বন বিভাগৰ এটা দল মিলটোত উপস্থিত হৈ আৰম্ভ কৰে তদন্ত । বন বিভাগৰ দলটোৱে কাঠখিনিৰ উপযুক্ত নথিপত্ৰ বিচৰাত তথ্য যোগান দিবলৈ সক্ষম নহয় কাঠ ব্যৱসায়ী পৰিহাস পাল । কিছু সময় পিছত কাৰোবাৰ পৰা নথিপত্ৰ আনি দাখিল কৰে ৰেঞ্জাৰৰ হাতত ।
তথ্যত উল্লেখ কৰা মতে ঝাৰখণ্ডৰ পৰা কাঠখিনি অনা হৈছে ধুবুৰীৰ চক্ৰৱৰ্তী শ্ব মিলৰ বাবে(Smuggled wood seized in Dhubri) । সেইমতেই বন বিষয়া কৰ্মীসকলে চলায় অনুসন্ধান । কিন্তু কাঠখিনি চক্ৰৱৰ্তী মিলৰ পৰিৱৰ্তে নোমোৱা হয় মা ভানুমতী শ্ব মিলতহে । চক্ৰৱৰ্তী আৰু ভানুমতী দুটা মিলৰ গৰাকী এজনেই । নাম পৰিহাশ পাল ।
দৰাচলতে, ঝাৰখণ্ডৰ পৰা অনা বৃহৎ পৰিমাণৰ শাল কাঠৰ কুণ্ডা নিয়াৰ কথা আছিল পৰিহাশ পাল মালিকানাধীন চক্ৰৱৰ্তী শ্ব মিললৈ । কিন্তু চতুৰালী কৰি কাঠখিনি নোমোৱা হ’ল মা ভানুমতী শ্ব মিলত । অৰ্থাৎ এটা মিলৰ নামত নথি পত্ৰ বনাই আন এটা মিলত নোমোৱা হয় মূল্যবান চোৰাং কাঠ । আৰক্ষীয়ে কাঠভৰ্তি ট্ৰাকখন বন বিভাগক চমজাই দিয়াত বন বিভাগে ট্ৰাকসহ মূল্যবান শাল কাঠখিনি জব্দ কৰিবলৈ বাধ্য হয় । জানিব পৰা মতে, হাইলাকান্দিৰ বৰভূঞা উপাধিৰ এজন কাঠ মাফিয়াৰ নেতৃত্বত পশ্চিমবংগ আৰু অসমৰ মাজত চলিছে কাঠৰ বৃহৎ চোৰাং কাৰবাৰ ।
লগতে পঢ়ক : Urea Fertilizer seized : হাইলাকান্দিত জব্দ অবৈধ সৰবৰাহ কৰা ইউৰিয়া সাৰ ভৰ্তি ট্ৰাক
