পশ্চিম বিলাসীপাৰা, 1 মে’: শুকুৰবাৰে বিয়লি ভাগত বগৰীবাৰীত আৰক্ষীয়ে জব্দ কৰে গৰু ভৰ্তি এখন কন্টেইনাৰ (ট্ৰাক) ৷ পৰ্বতঝোৰাৰ বগৰীবাৰী আৰক্ষীৰ নিয়মীয়া তালাচী অভিযানত অভিনৱ পন্থাৰে অনা উন্নত জাতৰ ১০ টাকৈ গৰুৰ লগতে ট্ৰাক খনৰ চালক আৰু হেণ্ডিমেন মহম্মদ কামাল, মহম্মদ হাছমিন আটক কৰে আৰক্ষীয়ে । আৰক্ষীয়ে জব্দ কৰা গাড়ী খনৰ নম্বৰ হৈছে UP21CN-5350 ৷
উল্লেখ্য যে, পশ্চিম বংগ ৰাজ্যৰ পৰা ধুবুৰী জিলাৰ ছাগলীয়া পৰিক্ষণ চকীৰে সঘনে গৰু ভৰ্তি ট্ৰাকখন অনায়াসে বগৰীবাৰীৰ ফালে সৰবৰাবহ হৈ অহাৰ অভিযোগ উত্থাপন হৈ আহিছে । জব্দকৃত গৰু কেইটা বাংলাদেশ লৈ সৰবৰাহ কৰাৰ সন্দেহ প্ৰকাশ কৰিছে স্থানীয় ৰাইজে ।
অভিযোগ অনুসৰি দীৰ্ঘদিনৰে পৰা ধুবুৰী আৰু কোকৰাঝাৰ জিলাৰ সীমান্তৱৰ্তী পৰ্বতঝোৰা মহকুমাৰ বগৰীবাৰী সম্প্ৰতি চোৰাং গৰু ব্যৱসায়ীৰ কৰিডৰলৈ পৰ্যবসিত হৈছে । কিছু অসাধু ব্যৱসায়ীয়ে বহিঃ ৰাজ্যৰ পৰা বিভিন্ন পন্থাৰে অসমলৈ গৰুৰ সৰবৰাহ কৰি আহিছে । আনকি বিভিন্ন গোপন পথৰে চুবুৰীয়া ৰাষ্ট্ৰ বাংলাদেশলৈ গৰু সৰবৰাহ কৰি অহাৰ সন্দেহ প্ৰকাশ কৰিছে ।
