পূৱ বিলাসীপাৰা, 23 মে’ : পূৱ বিলাসীপাৰাৰ চাপৰৰ নিউ বাছ আস্থানৰ সমীপত ১৭ নং ৰাষ্ট্ৰীয় ঘাইপথত দেওবাৰে সংঘটিত হৈছে এক পথ দুৰ্ঘটনা ৷ চাইকেলেৰে গৈ থকা অৱস্থাত ৰাকিবুল ইছলাম নামৰ ৮ বছৰীয়া এটি শিশুক ইটাভৰ্তি এখন বলেৰ’ পিক আপ বাহনে পিছফালৰ পৰা খুন্দিয়াই পলায়ন কৰে ৷
দুৰ্ঘটনাটোৰ ফলত গুৰুতৰভাৱে আঘাতপ্ৰাপ্ত শিশুটিক প্ৰথমতে চাপৰ চিকিৎসালয়ত ভৰ্তি কৰোৱা হয় যদিও উন্নত চিকিৎসাৰ বাবে বঙাইগাঁৱলৈ প্ৰেৰণ কৰা হৈছে বুলি জানিব পৰা গৈছে । ইফালে দুৰ্ঘটনা সংঘটিত কৰা বাহনখনৰ সন্ধানত আৰক্ষীয়ে তদন্ত অব্যাহত ৰাখিছে ৷
লগতে পঢ়ক : কৰ’ণাৰ মাজতে লাইকা-দধীয়াবাসীৰ সন্মুখত পুনৰ আন এক প্ৰত্যাহ্বান
