নাৱালিকাক ধৰ্ষণ কৰি ৰঙাঘৰ পালেগৈ যুৱক !!

চুবুৰীয়া ঘৰৰ নৱম শ্ৰেনীত পঢ়ি থকা এগৰাকী পোন্ধৰ বছৰীয়া কিশোৰীক ভাত ৰান্ধিবৰ বাবে মাতি নি ধৰ্ষণ কৰাৰ অভিযোগ দীপক নামৰ এজন বিৱাহিত যুৱকৰ বুৰুদ্ধে ৷

গোলকগঞ্জ , ০৮ জুলাই: পুনৰ পোহৰলৈ আহিল মানৱ সমাজক লজ্জানত কৰা ঘটনা । ধুবুৰী জিলাৰ গোলকগঞ্জ থানাৰ অন্তৰ্গত দেৱত্তৰ হাসদহ পঞ্চম খণ্ড গাৱঁত দীপক নামৰ এজন বিৱাহিত যুৱকে নাবালিকা এগৰাকীক ধৰ্ষণ কৰি গৰ্ভৱতী কৰাৰ অভিযোগ উত্থাপিত হৈছে ।

জানিব পৰা মতে ৬/৭ মাহ পূৰ্বে গাঁও খনৰ দুলাল ৰায়ৰ পত্নীয়ে সন্তান প্ৰসৱ কৰাৰ সময়ত ওচৰ চুবুৰীয়া ঘৰৰ নৱম শ্ৰেনীত পঢ়ি থকা পোন্ধৰ বছৰীয়া এগৰাকী কিশোৰীক ভাত ৰান্ধিবৰ বাবে মাতি নিছিল । তেনে সময়তে ৰান্ধনী শালত কোনো নথকাৰ সুযোগ লৈ অভিযুক্ত দীপকে নাৱালিকা গৰাকীক ধৰ্ষণ কৰে । লগতে কিশোৰী গৰাকীক এই ঘটনাৰ বিষয়ে কাকো নক'বলৈ হত্যাৰো ভাবুকি দিয়ে |ইপিনে কিশোৰী গৰাকীয়ে এই সন্দৰ্ভত কাকো অৱগত নকৰে যদিও শাৰিৰীক অৱস্থাৰ পৰিৱৰ্তন হোৱাত সকলো ঘটনা বৌয়েক এগৰাকীৰ জড়িয়তে পৰিয়ালৰ লোকক অৱগত কৰে । সকলো ঘটনা পোহৰলৈ অহাৰ পাচতে কিশোৰী গৰাকীৰ পৰিয়ালৰ লোকে অভিযুক্ত দীপকৰ বিৰুদ্ধে গোলকগঞ্জ থানাত এখন এজাহাৰ দাখিল কৰে । আৰু তেওঁলোকৰ অভিযোগৰ ভিত্তিতে আৰক্ষীয়ে ৭৬৮/১৯ নম্বৰত এক গোচৰ ৰুজু কৰি ততপৰতাৰে দীপকক গ্ৰেপ্তাৰ কৰি জেল হাজোতলৈ প্ৰেৰণ কৰে ।