ধুবুৰী,23জুনঃ সমাগত বিটিচি নিৰ্বাচন, তেনে সময়তে কংগ্ৰেছ আৰু এ আই ইউ ডি এফৰ মিত্ৰতাৰ ফলত ভয়ত কঁপিছে বিজেপি, মন্ত্ৰী হিমন্ত আৰু মুখ্যমন্ত্ৰী সৰ্বানন্দ সোণোৱাল। কাৰণ ২০২১ ৰ বিধানসভা নিৰ্বাচনত হাৰিব হিমন্ত আৰু সৰ্বানন্দ ৷ এই দাবী কৰিলে মঙলবাৰে কংগ্ৰেছ নেতা দুৰ্গা দাস বড়োৱে।
উল্লেখযোগ্য যে নিৰ্বাচনৰ দিন ঘোষণা নকৰিলেও বি পিএফ, ইউ পি পি এল, আৰু কংগ্ৰেছ-এ আই ইউ ডি এফকে ধৰি বিভিন্ন ৰাজনৈতিক দলে নিৰ্বাচনী প্ৰচাৰ ইতিমধ্যে আৰম্ভ কৰিছে। ইপিনে বিগত পোন্ধৰটা বছৰ শাসনৰ গাদী দখল কৰি থকা বি পি এফ প্ৰধান হাগ্ৰামা মহিলাৰী সম্প্ৰতি প্ৰত্যাহ্বানৰ সন্মুখীন হোৱা পৰিলক্ষিত হৈছে। এনে সময়তে কংগ্ৰেছ আৰু এ আই ইউ ডি এফ দলে মিত্ৰতাৰে বি টি চিৰ ২০ খনকৈ আসনত প্ৰাৰ্থীত্ব প্ৰক্ষেপ কৰিছে। যাৰ ফলত হাগ্ৰামাৰ নিৰ্বাচনী অংকত এইবাৰ আউল লাগিছে বুলি চৰ্চা চলিছে।
২১ ৰ বিধানসভা নিৰ্বাচনত হিমন্ত আৰু সৰ্বানন্দ সোণোৱাল হাৰিবঃ দুৰ্গা দাস বড়ো
