ধুবুৰী, ২০ মাৰ্চ: সমাগত বিধানসভা নিৰ্বাচনৰ বাবে মনোনয়ন পত্ৰ দাখিল কৰিলে ধুবুৰীৰ গৌৰীপুৰ সমষ্টিৰ বিজেপিৰ প্ৰাৰ্থী বনেন্দ্ৰ কুমাৰ মুছাহাৰীয়ে । শুক্ৰবাৰে বিজেপিৰ প্ৰাৰ্থীগৰাকীৰ সমৰ্থনত বিশাল সমদল উলিওৱা হয় ।
মনোনয়ন দাখিলৰ সময়ত গৌৰীপুৰ সমষ্টিৰ প্ৰাক্তন বিধায়কগৰাকীক উৎসাহিত কৰিবলৈ শতাধিক বিজেপি কৰ্মকৰ্তাই সমদলত অংশ লয় । ধুবুৰীৰ জিলা উপায়ুক্ত কাৰ্যালয়ত মনোনয়ন পত্র দাখিল কৰে বিজেপিৰ প্ৰাৰ্থী বনেন্দ্ৰ কুমাৰ মুছাহাৰীয়ে ।
বিগত ২০১৬ চনৰ বিধানসভা নিৰ্বাচনত ২০ হাজাৰ ভোটৰ ব্যৱধানত এ আই ইউ ডি এফৰ বিধায়ক নিজানুৰ ৰহমানৰ হাতত পৰাজিত হোৱাৰ পিছত এইবাৰ বিজেপিৰ প্ৰাৰ্থিত্ব লাভ কৰি পুনৰ বিধানসভা নিৰ্বাচনত অৱতীৰ্ণ হ'বলৈ সাজু হৈছে বনেন্দ্ৰ কুমাৰ মুছাহাৰী ।
এইবাৰ মহাজোঁট সমৰ্থিত এ আই ইউ ডি এফৰ প্ৰাৰ্থী নিজানুৰ ৰহমান মূল প্ৰতিদ্বন্দী হ'ব বুলি মন্তব্য কৰে প্ৰাক্তন বিধায়কগৰাকীয়ে ।
লগতে পঢ়ক:সাংসদ তপন গগৈ পুনৰ ক'ৰনাত আক্ৰান্ত
