বিলাসীপাৰাৰ মহামায়াত চলিছে বগা চাউলৰ ক'লা ব্যৱসায়

বিলাসীপাৰাৰ মহামায়াত বগা চাউল ক'লা বজাৰত বিক্ৰী ৷ এই অভিযোগৰ ভিত্তিত বৃহস্পতিবাৰে ছীল কৰি দিয়া হয় মহামায়া সমবায় সমিতি ৷ দণ্ডাধীশৰ উপস্থিতিত আৰক্ষীয়ে কৰিলে ছীল কৰি দিয়ে সমবায় সমিতি খন ৷

বিলাসীপাৰা,15অক্টোবৰ : ৰাজহুৱা বিতৰণ ব্যৱস্থাৰ চাউল চোৰাং কৈ বিক্ৰী কৰাৰ সন্দেহত মহামায়া সমবায় সমিতি খন ছীল কৰিলে পৰ্বতঝোৰা মহকুমা আৰক্ষী বিষয়াই ৷ সমবায় খনৰ সচিব ছিৰাজুদ্দিন শ্বেখ আৰু সভাপতিৰ আমজাদ আলীৰ বিৰুদ্ধে PDS ৰ বিনামূলীয়া চাউল চোৰাং কৈ বিক্ৰী অভিযোগ ৷

উল্লেখযোগ্য যে, যোৱা ১২ অক্টোবৰৰ নিশা টিপকাই নদী পথেৰে যন্ত্ৰ চালিত নাৱৰে নি থকা অৱস্থাত ৮০ বস্তা চৰকাৰী বিনামূলীয়া চাউল সহ এজনক বগৰীবাৰী আৰক্ষীয়ে আটক কৰিছিল ৷ আৰক্ষীৰ তদন্তত আজি সমবায় সমিতি খনৰ গুদাম ঘৰৰ লগতে কাৰ্যালয় ছীল কৰি দিয়ে আৰক্ষীয়ে ৷ লগতে তদন্তৰ বাবে সমবায় খনৰ যাৱতীয় নথি-পত্ৰ ছীল কৰি নিয়ে খাদ্য আৰু অসামৰিক যোগান বিভাগৰ পৰিদৰ্শকে ৷ সমবায় খনৰ সচিব আৰু সভাপতি দুজনৰ এনে কাৰ্যই অঞ্চলটোত ব্যাপক চাঞ্চল্যৰ সৃষ্টি কৰিছে ৷

লগতে পঢ়কঃমৰাণ জাতীয় বিদ্যালয়ৰ বিৰুদ্ধে অভিভাৱকৰ ক্ষোভ