ধুবুৰী, 6 আগষ্টঃ ধুবুৰীত চোৰাং গৰু বেপাৰীৰ বিৰুদ্ধে আৰক্ষীৰ অভিযান ৷ অভিযানত 7 জন চোৰাং গৰু বেপাৰী আটক আৰক্ষীৰ ।
ধুবুৰীত চোৰাং বেপাৰীৰ বিৰুদ্ধে আৰক্ষীৰ অভিযান
ধুবুৰীৰ গৌৰীপুৰত চোৰাং গৰু বেপাৰীৰ বিৰুদ্ধে আৰক্ষীয়ে অব্যাহত ৰাখিছে অভিযান। কিছুদিন পূৰ্বে ধুবুৰী আৰক্ষীয়ে ছয়জনকৈ গৰু চোৰাং কাৰবাৰৰ মাষ্টাৰ মাইণ্ডক গ্ৰেপ্তাৰ কৰিবলৈ সক্ষম হয় তাৰোপৰি ধুবুৰী জিলা উপ আৰক্ষী অধীক্ষক তৃণয়ণ ভূঞাৰ নেতৃত্বত আৰক্ষীৰ দল এটাই গৌৰীপুৰৰ জাহাঙ্গীৰ আলম নামৰ আন এটা কুখ্যাত গৰু চোৰক অসম বংগ সীমান্তৰ পৰা গ্ৰেপ্তাৰ কৰিবলৈ সক্ষম হয় । ইতিমধ্যে ধৃত আলমক অধিক তথ্যৰ বাবে জেৰা অব্যাহত ৰাখিছে আৰক্ষীয়ে । অচিৰেই চোৰাং কাৰবাৰৰ লগত জড়িত গৰু চোৰ আৰক্ষীৰ জালত পৰিব বুলিও দাবী কৰে জিলা অতিৰিক্ত আৰক্ষী অধীক্ষক নিৰূপম হাজৰিকাই।
