ধুবুৰী, 14 নৱেম্বৰঃ ধুবুৰীৰ আশাৰীকান্দি টেৰাকোটা শিল্প গাঁৱৰ শিল্পীসকলক শনিবাৰে চৰকাৰৰ বিশেষ আঁচনিৰ অধীনত 50 হাজাৰ টকাকৈ চেক প্ৰদান কৰা হয় । মুখ্যমন্ত্ৰী থলুৱা উদ্যোগ বিকাশ আঁচনিৰ অধিনত ভাটি (বাৰ্ণাৰ) নিৰ্মাণৰ বাবে প্ৰথমবাৰৰ বাবে ১৯ জনলৈ হিতাধিকাৰীৰ মাজত এই অনুদানৰ চেক বিতৰণ কৰা হয় ।
এই আঁচনিৰ অধীনত প্ৰতিজন হিতাধিকাৰীক ১.৫ লাখ টকাকৈ প্ৰদান কৰা হব যদিও প্ৰথম পৰ্যায়ত প্ৰতি গৰাকীক ৫০ হাজাৰকৈ টকাৰ চেক প্ৰদান কৰা হয় । ধুবুৰী জিলা উদ্যোগ আৰু বাণিজ্য কেন্দ্ৰৰ জৰিয়তে প্ৰদান কৰা এই আঁচনিৰ অনুদান আশাৰীকান্দি গাঁৱৰ মুঠ ৯৫ টা পৰিয়ালক দিয়া হয় ।
এই চেক প্ৰদান অনুষ্ঠানত জিলা উদ্যোগ আৰু বাণিজ্য কেন্দ্ৰৰ সঞ্চালক নিৰ্মল দাস, জিলা বিজেপি সভাপতি দেৱময় স্যান্যাল, সামাজ সেৱক বিমল ওচোৱাল, দিপক সাহা আৰু নেকাৰ্ডৰ সঞ্চালক বিনয় ভট্টাচাৰ্য্য আদি উপস্থিত থাকে ।
লগতে পঢ়কঃ ফিলিপাইন্সত ঘূৰ্ণীবতাহ ভামকোত মৃতকৰ সংখ্যা 53 লৈ বৃদ্ধি
