সুদূৰ বিহাৰৰ পৰা থেলা-ৰিক্সাত অসম পালেহি এটা পৰিয়াল

শুক্ৰবাৰে পুৰ্নীয়াৰ পৰা আহি পৰিয়ালৰ সৈতে উপস্থিত হয় ছাগলীয়াত ৷ তিনিটাকৈ কণ কণ ল'ৰা ছোৱালীক লৈ ভোকে লঘোনে ছাগলীয়াত উপস্থিত হোৱা ছাইদুলক কোৱাৰেন্টাইন কৰা হয় ৷

ধুবুৰী,24মেঃ অসমলৈ বহিঃৰাজ্য পৰা অহা এটা পৰিয়ালৰ কাহিনী শুনিলে আপোনাৰ চকুলো সেমেকি উঠিব ৷ বিগত ছদিনৰ যাত্ৰাৰ অন্তত বিহাৰৰ পৰা এখন থেলা-ৰিক্সা লৈ আহি নিজ ৰাজ্যত উপস্থিত হ‘লহি পাঁচজনীয়া পৰিয়ালসহ ধুবুৰীৰ আগমনীৰ ছাইদুল নামৰ ব্যক্তিগৰাকী ৷

থেলা ৰিক্সা লৈ অসম পালেহি এটা পৰিয়াল

উল্লেখযোগ্য যে, বিহাৰৰ পুৰ্নীয়াৰ ইটা ভাটাৰ শ্ৰমিক আগমনীৰ এইজন ছাইদুলে লক ডাউনৰ আগতেই গৈছিল বিহাৰৰ পুৰ্নীয়াৰ বাছী বজাৰৰ এটা ইটা ভাটাত কাম কৰিবলৈ ৷ প্ৰতিদিনে তিনিশ টকা হাজিৰা দিয়াৰ প্ৰতিশ্ৰুতিৰে পুৰ্নীয়াত কামৰ তাগিদাত যোৱা ছাইদুলক ইটা ভাটাৰ মালিকে প্ৰবঞ্চনা কৰি তিনিশৰ ঠাইত দুশকৈ টকা হাজিৰা প্ৰদান কৰিলে ৷ লকডাউনৰ পূৰ্বে পত্নীসহ পাঁচজনীয়া পৰিয়ালৰ সৈতে যোৱা ছাহিদুলে লকডাউন হোৱাৰ বাবে ইটা ভাতাটোত আৱদ্ধ হৈ পৰে ৷ বিগত দুমাহে কোনোমতে চলি থকা পৰিয়ালটোৰ হাতত লাহে লাহে টকা নাইকিয়া হয় আৰু মালিকেও তেঁওলোকক সহায় নকৰাত পৰিয়ালতো আৰ্থিক সমস্যাৰ লগতে খাদ্য সংকটত পৰে ৷

উপায়বিহীন হৈ তিনি হাজাৰ টকাৰে এখন থেলা-ৰিক্সা ক্ৰয় কৰি পৰিয়ালৰ সৈতে অসমলৈ বুলি যাত্ৰা কৰে ছাইদুলে ৷ ৰ‘দ বৰষুন কাটি কৰি ছ‘দিনৰ অন্তত শুক্ৰবাৰে পুৰ্নীয়াৰ পৰা আহি পৰিয়ালৰ সৈতে উপস্থিত হয় ছাগলীয়াত ৷ তিনিটাকৈ কন কন লৰা ছোৱালীক লৈ ভোকে লঘোনে ছাগলীয়াত উপস্থিত হোৱা ছাইদুলৰ পৰিয়ালটোক কোৱাৰেইন্টাইন কৰাৰ ব্যৱস্থা কৰা হয় ৷ সম্প্ৰতি অসমত উপস্থিত হৈ ছাইদুলে কৰ‘ণা আতংক আৰু কোৱাৰেণ্টাইনত আছে যদিওঁ নিজৰ মাতৃভূমিত উপস্থিত হৈ আনন্দিত হৈ পৰিছে ।

লগতে পঢ়কঃ বালিপৰা -ধেমাজী সংযোগী ১৫নং ৰাষ্ট্ৰীয় ঘাইপথ জলমগ্ন