ধেমাজি, 5 অক্টোবৰ : জীয়াঢল নদীত সন্ধানহীন হোৱা তিনিজন ব্যক্তিৰ মাজৰ এগৰাকীৰ মৃতদেহ উদ্ধাৰ কৰা হৈছে ৷ উদ্ধাৰ হোৱা ব্যক্তি গৰাকীৰ নাম দীনেশ্বৰ মিলি ৷ মঙলবাৰে SDRF ৰ এটা দলে অভিযান চলাই উদ্ধাৰ কৰে দীনেশ্বৰ মিলিৰ মৃতদেহ ৷
অৰুণাচল প্ৰদেশৰ পৰা বাঁহৰ মেলেঙেৰে ৮ গৰাকী লোক জীয়াঢল নদীৰে নামি আহিছিল ভৈয়ামলৈ ৷ কিন্তু নদীখনৰ বাঢ়নীপানীৰ প্ৰৱল সোঁতে বাঁহৰ মেলেং কেইখন উটুৱাই লৈ যায় ৷ ফলত আঠ গৰাকী লোকৰ মাজৰ তিনি গৰাকীৰ লোক সন্ধানহীন হৈ পৰে ৷ আন 5 গৰাকী লোকৰ কথমপি প্ৰাণ ৰক্ষা পৰে বুলি জানিবলৈ দিছে স্থানীয় লোকে ৷
সন্ধানহীন হোৱাৰ ৩ গৰাকী লোক ক্ৰমে, প্ৰদীপ নৰহ, শৈল্যৰাম পায়েং, দীনেশ্বৰ মিলি বুলি জানিব পৰা গৈছে ৷ ইয়াৰে দীনেশ্বৰ মিলি মৃতদেহ উদ্ধাৰ হৈছে যদিও আন দুগৰাকীৰ লোকৰ কোনো সন্ধান এতিয়ালৈকে লাভ কৰা নাই ৷
লগতে পঢ়ক:ধেমাজিত অঘটন : জীয়াঢলৰ সোঁতে উটুৱাই নিলে তিনিজন লোকক
