ধেমাজি,22 এপ্ৰিল : বুধবাৰে ক'ভিডৰ ভয়াৱহতাৰ মাজতে ধেমাজিত উদযাপন কৰিলে সতী সাধনী দিৱস ৷ আনুষ্ঠানিকতা ৰক্ষা কৰি চিচিবৰগাঁও আঞ্চলিক চুতীয়া ছাত্ৰ আৰু মহিলা সন্মিলনীৰ উদ্যোগত অনুষ্টূপীয়াকৈ চিচিবৰগাঁৱত উদযাপন কৰিলে সতী সাধনী দিৱস ৷ চুতীয়া জাতিৰ বীৰাংগনা সতী সাধনীৰ পবিত্ৰ মৃত্যু তিথিটো প্ৰতি বছৰে সতী সাধনী দিৱস হিচাপে উদযাপন কৰা হয় যদিও যোৱা বেলি আৰু এইবেলি অনুষ্টূপীয়াকৈ উদযাপন কৰিবলগীয়া হ'ল ৷
সম্পূৰ্ণ ক'ভিড প্ৰট'কল মানি অনুষ্ঠিত কৰা এই দিৱসটিত ৰাতিপুৱা পতাকা উত্তোলন, স্মৃতি তৰ্পনৰ লগতে ছাত্ৰ-ছাত্ৰী সকলৰ মাজত কুইজ প্ৰতিযোগিতা অনুষ্টিত কৰা হয় ৷ আবেলিলৈ প্ৰাক্তন ছাত্ৰ নেতা গিৰিণ চুতীয়াৰ সভাপতিত্বত অনুষ্ঠিত হোৱা মুকলি সভাত বিশিষ্ট শিক্ষাবিদ বুধিন্দ্ৰ বৰুৱা, পূৰ্ণ চন্দ্ৰ চুতীয়াই বীৰাংগনাগৰাকীৰ মহান অৱদানক শ্ৰদ্ধাৰে স্মৰণ কৰে ৷ ইফালে, মহামাৰীৰ বাবে সন্ধিয়ালৈ অনুষ্ঠিত হ'বলগীয়া সকলো অনুষ্ঠান বাতিল কৰে উদ্যোক্তাসকলে ৷
লগতে পঢ়ক: আনুষ্ঠানিকতা ৰক্ষা কৰি মৰাণত উদযাপন সতী সাধনী দিৱস
