ধেমাজি,14 ছেপ্তেম্বৰ: পখিলা খেদা বয়স তাইৰ ৷ আন দহজনীৰ দৰে উমলিব বিচাৰে তাই সমনীয়াৰ সৈতে ৷ কিন্তু তাই আজি শয্যাশায়ী ৷ ধেমাজিৰ চিচিবৰগাওঁৰ অন্তৰ্গত গড়মৰাগাঁৱৰ এগৰাকী কিশোৰী ৷ নৱম শ্ৰেণীত অধ্যয়নৰত কিশোৰীগৰাকীয়ে বিগত পাঁচ মাহৰ পৰা এক দুৰাৰোগ্য ৰোগত আক্ৰান্ত হৈ এনেদৰে শয্যাশায়ী হৈ পৰি ৰৈছে ৷ কিশোৰাগৰাকীৰ পিতৃ-মাতৃ আজি অসমৰ্থ ৷ কিয়নো জীয়ৰীৰ চিকিৎসাৰ বাবে হাতত মজুত নাই ধন ৷ শয্যাশায়ী কিশোৰীগৰাকীয়ে বিচনাৰ পৰাই সহায় বিচাৰি কৰিছে কাতৰ আহ্বান ৷ শেহতীয়াকৈ কিশোৰীগৰাকীৰ কাষত সহায়ৰ নিমিত্তে থিয় হৈছে বিভিন্ন স্থানীয় দল-সংগঠন ৷ কিন্তু কিশোৰীগৰাকীৰ চিকিৎসাৰ বাবে এয়া পৰ্যাপ্ত নহয় ৷ সেয়ে কিশোৰীগৰাকীক সহায়ৰ উদ্দেশ্যে আগবাঢ়ি আহিবলৈ সদাশয় ৰাইজক আহ্বান জনাইছে অসম জাতীয়তাবাদী যুৱ ছাত্ৰ পৰিষদৰ কৰ্মকৰ্তাসকলে ৷
চিকিৎসাৰ বাবে সহায়ৰ প্ৰয়োজন
লগতে চাওকঃ পথৰ দাঁতিত ৰক্তাক্ত অৱস্থাত উদ্ধাৰ দুই যুৱক
