জোনাই, 20মে': কৰ'ণা ভাইৰাছ সংক্ৰমণৰ প্ৰতিৰোধৰ বাবে দেশৰ লগতে ৰাজ্যজুৰি চলি থকা লক ডাউনৰ ফলত খাদ্য সংকটত ভুগিছে ৰাজ্যৰ বহু পৰিয়াল ৷ তেনে সময়তে, ধেমাজি জিলাৰ জোনাই মহকুমাৰ অন্তৰ্গত বিভিন্ন স্থানত খাদ্য সংকটত পৰা পৰিয়ালৰ কাষত থিয় দিছে ৰিপাব্লিকান পাৰ্টি অফ্ ইণ্ডিয়া(এ)ৰ অসম প্ৰদেশ কমিটীয়ে ৷ ৰিপাব্লিকান পাৰ্টি অফ্ ইণ্ডিয়া(এ)ৰ অসম প্ৰদেশৰ উদ্যোগত বৰ্তমানলৈকে ১৫০০ পৰিয়ালৰ মাজত সাহাৰ্য সামগ্ৰী প্ৰদান কৰাৰ উপৰিও আৰ্থিকভাৱে সহায়ৰ হাত আগবঢ়োৱা হৈছে ৷ মঙলবাৰেও জোনাইৰ মহমৰা গাঁৱত ৰিপাব্লিকান পাৰ্টি অৱ ইণ্ডিয়া(এ)ৰ অসমৰ প্ৰদেশৰ সভাপতি হিতেশ দেউৰীৰ নেতৃত্বত ১২০ টা পৰিয়ালত অত্যাৱশ্যকীয় খাদ্য সামগ্ৰী বিতৰণ কৰা হয় ।
হিতেশ দেউৰীয়ে মাৰাত্মক ক'ৰণা ভাইৰাছৰ প্ৰতিৰোধৰ বাবে দেশজুৰি চলি থকা লক ডাউনৰ সময়ত কোনো পৰিয়ালত যাতে খাদ্যৰ অভাৱ নহয় তাৰে প্ৰতি লক্ষ্য ৰাখিয়েই এনেধৰণৰ কাৰ্যসূচী হাতত লোৱাৰ কথা জানিবলৈ দিয়ে ৷ কিদৰে কৰ'ণা ভাইৰাছৰ সংক্ৰমণৰ পৰা নিজৰ লগতে অন্য লোকক ৰক্ষা কৰিব পাৰি এই সম্পৰ্কেও সজাগতাৰ সৃষ্টি কৰে ৰিপাব্লিকান পাৰ্টি অৱ ইণ্ডিয়া(এ)ৰ অসমৰ প্ৰদেশৰ সভাপতি তথা সমাজ কৰ্মী হিতেশ দেউৰীয়ে ৷
