হায়দৰাবাদ : ছ'চিয়েল মিডিয়াত প্ৰতিদিনে বিভিন্ন ধৰণৰ ভিডিঅ' প্ৰকাশ পায় । এই ভিডিঅ'বোৰে কেতিয়াবা কেতিয়াব নেটিজেনক মনোৰঞ্জনৰ খোৰাক যোগায় যদিও ইয়াৰ ভয়াৱহতাও চৰ্চাৰ বিষয় হৈ পৰে । তেনে এটা ভিডিঅ' শেহতীয়াকৈ পোহৰলৈ আহিছে আৰু ভিডিঅ'টো চাই মানুহ আচৰিত হৈ পৰিছে । ভিডিঅ'টোত এটা হাতীৰ ওপৰত মানুহৰ সৈতে এটা বাঘো বহি থকা দেখা গৈছে । এই ভিডিঅ'টো বিহাৰৰ বুলি উল্লেখ কৰা হৈছে আৰু সামাজিক মাধ্যমত ই বহুলভাৱে শ্বেয়াৰ হৈ আছে ।
ভিডিঅ'টোত দেখা গৈছে যে বাঘটোক এডাল ৰছীৰে বান্ধি হাতীটোৰ ওপৰত উঠাই লোৱা হৈছে । ভিডিঅ'টো চাই এনে লাগিছে যেন এইটো বাঘ নহয়, এটা পোহনীয়া কুকুৰহে । ভিডিঅ'টোত দেখা গৈছে যে হাতীৰ ওপৰত দুজন ব্যক্তি বহি আছে । তেওঁলোকৰ এজনে ভিৰ নিয়ন্ত্ৰণ কৰি আছে আৰু আনজনে বাঘটোৰ কাণত ধৰি আছে । মাজে মাজে আকৌ বাঘটোৰ কাণ জোৰেৰে মোহাৰি আছে । অৱশ্যে এই সময়ছোৱাত বাঘটোৱে কোনো প্ৰতিক্ৰিয়া প্ৰকাশ কৰাৰ বিপৰীতে অতি শান্তভাৱে বহি আছে ।
इ बिहार है बाबू यहां उड़ती चिड़िया को भी हल्दी लगा देते हैं!
— गुरु (@guru_ji_ayodhya) December 24, 2024
ऐसे अदभुद नजारे बिहार में ही देखने को मिल सकते है!😂 pic.twitter.com/Y91mivfpwS
ইফালে এই ভিডিঅ'টো সামাজিক মাধ্যমত প্ৰকাশৰ পিছতে নেটিজেনসকলৰ মাজত কমেণ্টৰ জোৱাৰ উঠিছে । কোনোৱে কৈছে, বিহাৰৰ পৰা এনেধৰণৰ ভিডিঅ' আহিব আৰু কমেণ্ট নকৰিম, সেইটো হ'বই নোৱাৰে । অৱশ্যে যদিও ভিডিঅ'টো পুৰণি বুলি কোৱা হৈছে, কিন্তু একাংশই আকৌ কৈছে যে বিহাৰত সকলো সম্ভৱ । ভিডিঅ'টো এক্সত @guru_ji_ayodhya নামৰ একাউণ্ট এটাৰ দ্বাৰা শ্বেয়াৰ কৰা হৈছে ।
এজন ইউজাৰে লিখিছে, "ইয়ে বিহাৰ হে বাবু, য়হা উৰতি চিড়িয়াকো ভী হল্দী লগা দেতে হ্যে ।" আন এজন ইউজাৰে আকৌ লিখিছে যে এই ব্যক্তিকেইজনকতো সাংঘাতিক বিপজ্জনক যেন লাগিছে । আন এজনে লিখিছে, "নিশ্চিতভাৱে তেওঁলোক বন বিভাগৰ লোক হ'ব । নহ’লে কোনো সাধাৰণ মানুহৰ এনে কৰাৰ সাহস নাই ।"
