জোনাইত পুনৰ বানৰ তাণ্ডৱ

জোনাই বেৰাচাপৰি চিয়াং নদীৰ বাঢ়নী পানীত জলমগ্ন ১২ খনতকৈ অধিক গাঁও

ধেমাজি,14 চেপ্তেম্বৰঃ ধেমাজিৰ জোনাইত পুনৰ বানৰ তাণ্ডৱ | জোনাই বেৰাচাপৰি চিয়াং নদীৰ বাঢ়নী পানীত জলমগ্ন ১২ খনতকৈ অধিক গাঁও । প্ৰায় এমাহ ধৰি মথাউৰি ওপৰত বসবাস কৰি থকাৰ পাচত পুনৰ নিজৰ আপোন ঘৰলৈ উভতিছিল বানাক্ৰান্ত। কিন্তু শুকুৰবাৰৰ ধাৰাষাৰ বৰষুণত চিয়াং নৈৰ জলপৃষ্ঠ বৃদ্ধিৰ পাছতে জোনাইৰ বেৰাচাপৰিৰ বিভিন্ন অঞ্চল প্লাৱিত হৈ পৰে | বেৰাচাপৰিৰ বেৰা মিলন,তাৰি নেপালী,তাৰি কছাৰী,তাৰি বেংগলী,তাৰি মাজগাঁও আদিকে ধৰি ১২ খনৰো অধিক গাঁৱৰ মানুহৰ ঘৰ বাৰী পুনৰ বুৰ গৈছে পানীৰ তলত | যাৰ বাবে শুকুৰবাৰে নিশা উজাগৰে কটাবলগীয়া হয় শতাধিক পৰিয়ালে ৷