ধেমাজিত সেউজ বিপ্লৱ

উল্লেখ্য যে,২৫০০ জোপা তামোল,৫০০,জোপা নাৰিকল,৭ বিঘা মাটিত আলু আৰু বিভিন্ন ৰবি শস্যৰ খেতি কৰা বুলি জনাই আদৰ্শৱান যুৱকজনে। পিতৃৰ লগতে পৰিয়ালৰ সদস্যসকলৰ সহায়েৰে এবেলা কাম কৰি হাত খৰচ উলিয়াবলৈ সক্ষম হৈছে সীতাৰাম মালাহে ।

ধেমাজি,২৪ ডিচেম্বৰ: শাৰী শাৰী সৰু বৰ তামোল আৰু নাৰিকলৰ গছ,ইয়াৰ মাজে মাজে কিছু ৰবি শষ্য আৰু তাৰ কাষেৰে সৰু সৰু পুখুৰী ৷ মুঠতে এটা মনোৰম দৃশ্য ৷ এই সেউজ বিপ্লৱৰ সূচনা কৰিছে ধেমাজিৰ জামুগুৰি পাচ আলিৰ ১নং বিষ্ণুপুৰ বামুনী নাথ গাৱঁৰ সীতাৰাম মালাহ নামৰ এজন শিক্ষিত যুৱকে ৷ নিজৰ চাৰি হেক্টৰ ভূমিত যুৱকজনে আৰম্ভ কৰিছে কৃষি বিপ্লৱ ৷ বতৰৰ ভিন্ন পাচলি যেনে কবি,আলু,জলকীয়া,বেঙেনা,কেৰেলা আদিৰে ভৰপুৰ এখন পাচলী উদ্যানৰ সমান্তৰালকৈ মাছেৰে পৰিপূৰ্ণ এটা পুখুৰীৰে নিজৰ লগতে অন্য 15/ 20 জন যুৱককো কৰ্মসংস্থাপন দিছে সীতাৰাম মালাহে।

উল্লেখ্য যে,২৫০০ জোপা তামোল,৫০০,জোপা নাৰিকল,৭ বিঘা মাটিত আলু আৰু বিভিন্ন ৰবি শস্যৰ খেতি কৰা বুলি জনাই আদৰ্শৱান যুৱকজনে। পিতৃৰ লডতে পৰিয়ালৰ সদস্যসকলৰ সহায়েৰে এবেলা কাম কৰি হাত খৰচ উলিয়াবলৈ সক্ষম হৈছে সীতাৰাম মালাহে । ইয়াৰোপৰি কৰ্মসংস্থাপন বিচাৰি বহিঃৰাজ্যলৈ যোৱাতকৈ নিজৰ ঠাইতে একাগ্ৰতাৰে কাম কৰিলে সফলতাৰ মুখ দেখিবলৈ সক্ষম হ'ব পাৰি বুলি সাংবাদিকৰ আগত মন্তব্য কৰে গ্ৰামাঞ্চলৰ নিবনুৱা যুৱকসকলৰ বাবে আদৰ্শ হৈ পৰা সীতাৰাম মালাহে ৷

লগতে পঢ়ক: প্লাষ্টিকমুক্ত পৃথিৱীৰ দিশে পাৰ্থ প্ৰতিমৰ অৰিহনা