ধেমাজি,১৬ জানুৱাৰী: ৰাজ্যৰ বিভিন্ন জিলাৰ লগতে ধেমাজিতো শনিবাৰৰ পৰা আৰম্ভ হৈছে COVID-১৯ৰ টীকাকৰণ প্ৰক্ৰিয়া । ধেমাজি অসামৰিক চিকিৎসালয়ত চিকিৎসকসহ স্বাস্থ্য কৰ্মীসকলক COVID-১৯ৰ প্ৰতিষেধক প্ৰদান কৰা হয় । প্ৰথমটো প্ৰতিষেধক প্ৰদান কৰা হয় ধেমাজি অসামৰিক চিকিৎসালয়ৰ জ্যেষ্ঠ চিকিৎসক ডা০ যোগেন দাসক ৷
লগতে ১০০ জন স্বাস্থ্যকৰ্মীক প্ৰথম দিনটোত COVID-১৯ৰ প্ৰতিষেধক প্ৰদান কৰা হয় ৷ উল্লেখ্য যে, আজিৰ প্ৰতিষেধক প্ৰদান কাৰ্যসূচী উদ্বোধন কৰে ধেমাজিৰ অতিৰিক্ত উপায়ুক্ত দীপাংকৰ দাসে ৷ বিগত এটা বছৰে কৰ'ণা মহামাৰীয়ে কালৰূপ ধাৰণ কৰাৰ পিছত এতিয়া টীকাকৰণ প্ৰক্ৰিয়া আৰম্ভ হোৱাত স্বস্তিৰ নিশ্বাস পেলাইছে দেশবাসীয়ে ।
লগতে পঢ়ক:তেজপুৰত 300 লোকক প্ৰদান কৰা হ'ল কোভাক্সিন
