জোনাই,13 জুলাই: ধেমাজিৰ চিলাপথাৰত ভয়ংকৰ পথ দুৰ্ঘটনা ৷ দুৰ্ঘটনাটোত নিহত এজন যুৱক ৷ নিহত যুৱকজন জোনাকী নগৰ নিবাসী মোহন চাবুকধৰাৰ পুত্ৰ ধ্ৰুৱ চাবুকধৰা বুলি জানিব পৰা গৈছে ৷ ট্ৰাক আৰু বাইকৰ মুখা-মুখি সংঘৰ্ষৰ ফলত সংঘটিত হয় দুৰ্ঘটনাটো ৷
অন্য এক খবৰৰ বাবে: আৰক্ষীসহ শিৱসাগৰত নতুনকৈ ৮ জন কৰ'ণাত আক্ৰান্ত
স্থানীয় ৰাইজৰ মন্তব্য অনুসৰি, লিকাবালি দিশৰ পৰা চিলাপথাৰলৈ বাইকেৰে আহি আছিল ধ্ৰুৱ চাবুকধৰা ৷ সেই সময়তে এখন ট্ৰাকৰ লগত মুখা-মুখি সংঘৰ্ষ হয় আৰু সংঘটিত হয় দুৰ্ঘটনাটো ৷ যাৰ ফলত যুৱকজন গুৰুতৰভাৱে আঘাতপ্ৰাপ্ত হয় ৷ ইফালে ঘটনা সংঘটিত হোৱাৰ পাছতেই যুৱকজনক ডিব্ৰুগড়লৈ চিকিৎসাৰ বাবে নিয়া হয় যদিও চিকিৎসালয় পোৱাৰ পূৰ্বেই মৃত্যু হয় যুৱকজনৰ ৷
চিলাপথাৰ সাপ্তাহিক বজাৰৰ সমীপৰ এটা টিম্বাৰ ডিপোত কাম কৰা ধ্ৰুৱ এটি ৩ বছৰীয়া সন্তানৰ পিতৃ ৷ ঘটনাটো সংঘটিত হোৱাৰ পাছতেই অঞ্চলটোত শোকৰ ছাঁ পৰিছে ৷
