ধেমাজি , 31 জানুৱাৰীঃ চাৰিদিনিয়া বৰ্ণাঢ্য কাৰ্যসূচীৰে বিগত ২৭ জানুৱাৰীৰ পৰা আৰম্ভ হোৱা ৩৪ সংখ্যক দেউৰী সাহিত্য সভাৰ সামৰণি পৰে বহস্পতিবাৰে ৷ ধেমাজি গোগামুখ বামচেনীয়াত অনুষ্ঠিত হোৱা দেউৰী সাহিত্য সভাৰ অন্তিম দিনা মুকলি সভাত উপস্থিত থাকে মুখ্যমন্ত্ৰী সৰ্বানন্দ সোণোৱাল, সাংসদ প্ৰদান বৰুৱা, বিধায়ক ড৹ ৰনোজ পেগুকে ধৰি বহু কেইজন বিশিষ্ট অতিথি ৷
আনহাতে, মুকলি সভাত অংশগ্ৰহণ কৰি সাংবাদিকৰ আগত মুখ্যমন্ত্ৰী গৰকীৰ মন্তব্য, "সকলোৱে মিলি অসমখন শ্ৰেষ্ঠ ৰাজ্য হিচাপে গঢ় দিব লাগে ৷ আমি সকলো মিলাপ্ৰীতিৰে আগবাঢ়িব লাগিব ৷ যিসকলে সহস্ত্ৰ সংগ্ৰাম কৰি আছে তেওঁলোকেও শান্তি আলোচনাৰ বাবে আগবাঢ়ি আহক ৷ আমি সকলোকে স্বাগতম জনাইছো ৷"
তাৰোপৰি সামৰণি অনুষ্ঠানৰ লগত সংগতি ৰাখি যতীনচন্দ্ৰ বৰদেউৰী ক্ষেত্ৰৰ পৰা বাহিৰ কৰা হয় বৰ্নাঢ্য সাংস্কৃতিক শোভাযাত্ৰা ৷ শোভাযাত্ৰাত জাতীয় সাজ-পাৰ পৰিধান কৰি অংশ লয় দেউৰী যুৱক-যুৱতীসকল ৷
আৰু পঢ়কঃ উত্তৰ প্ৰদেশত 20 ৰো অধিক শিশুক পণবন্দী কৰিলে এগৰাকী লোকে
