জোনাই,১৭ এপ্ৰিল: বিগত বছৰৰ দৰে এইবেলিও ধেমাজিৰ জোনাইত ৫৩ সংখ্যক সদৌ জোনাই কেন্দ্ৰীয় ৰঙালী বিহু উদযাপন সমিতিৰ উদ্যোগত ৪-৫ মে’ত দুদিনীয়া কাৰ্যসূচীৰে ৰঙালী বিহু উদযাপনৰ প্ৰস্তুতি ৷ জোনাই উচ্চতৰ মাধ্যমিক বিদ্যালয়ৰ খেলপথাৰত এই সম্পৰ্কে ব্যাপক প্ৰস্তুতি চলোৱা হৈছে ৷
ইয়াৰ লগত সংগতি ৰাখি নৰেশ কুম্বাঙক সভাপতি আৰু সীমান্ত বসুমতাৰীক সাধাৰণ সম্পাদক হিচাপে লৈ ৫৩ সংখ্যক সদৌ জোনাই কেন্দ্ৰীয় ৰঙালী বিহু উদযাপন সমিতিৰ এখন কাৰ্য নিৰ্বাহক সমিতি গঠন কৰা হৈছে ৷ জোনাই কেন্দ্ৰীয় ৰঙালী বিহু উদযাপন সমিতিৰ এখন শনিবাৰে অস্থায়ী কাৰ্যালয় জোনাই উচ্চতৰ মাধ্যমিক বিদ্যালয় প্ৰাংগণত গাম্ভীৰ্যপূৰ্ণ অনুষ্ঠানেৰে উদ্বোধন কৰে জোনাই কেন্দ্ৰীয় ৰঙালী বিহুৰ স্থায়ী কমিটিৰ সভাপতি বৰ্গৰাম দেউৰীয়ে ৷ দেউৰীক এই কাৰ্যত সহযোগ কৰে উদযাপন কমিটিৰ সভাপতি নৰেশ কুম্বাঙে ৷
জোনাইৰ বিহুপ্ৰেমী ৰাইজ উপস্থিত থকা এই অনুষ্ঠানত বিহু নৃত্য পৰিৱেশন কৰে বিৰিণা বিহু দলে ৷ ৰঙালী বিহুৰ সকলো কাৰ্যসূচীতে ৰাইজৰ সহায়-সহযোগিতা আন্তৰিকতাৰে কামনা কৰিছে বিহু উদযাপন সমিতিয়ে ৷
লগতে পঢ়ক : বি পি এফৰ তিনি মন্ত্ৰীক লৈ ব্যাপক চৰ্চা
