ধেমাজি, 7 নৱেম্বৰ : 4 নৱেম্বৰৰ পৰা পোন প্ৰথমবাৰৰ বাবে ধেমাজিৰ কাছাৰী ময়দানত অনুষ্ঠিত হৈছে অসম গ্ৰন্থমেলা (Assam Book Fair inauguration from November 4 in Dhemaji) ৷ এই গ্ৰন্থমেলাত অংশ লৈছে 100 ৰো অধিক কিতাপৰ বিপনীয়ে ৷ য’ত আছে দিল্লী আৰু কলিকতাৰ পৰা অহা কিতাপৰ বিপনীও ৷
উল্লেখ্য যে, অসম প্ৰকাশন পৰিষদৰ, সদৌ অসম পুথি প্ৰকাশক আৰু বিক্ৰেতাৰ সংস্থাৰ উদ্যোগত ধেমাজি কাছাৰী ময়দানত দহদিনীয়াকৈ অনুষ্ঠিত হোৱা অসম গ্ৰন্থমেলা ধেমাজিৰ আজি হৈছে চতুৰ্থটো দিন ৷ ধেমাজি গ্ৰন্থমেলাৰ তৃতীয় দিনা বিয়লি গ্ৰন্থমেলাৰ বাকৰিত দেখা গ’ল অৰুণাচলৰ লেখক তথা সাহিত্যিকক (Arunachali literature in Dhemaji) ৷
কাৰ্যসূচী অনুসৰি আলাপ অনুষ্ঠানত কিতাপ গোট আৰু অৰুণাচল প্ৰদেশ লিটাৰেৰি চ’চাইটিৰ উদ্যেগত (Arunachal Pradesh Literary Society) অৰুণাচলৰ অসমীয়া ভাষাৰ লেখকৰ সৈতে এক বাৰ্তালাপ অনুষ্ঠিত হয় ৷ য’ত মুখ্য অতিথি হিচাপে উপস্থিত থাকে বিশিষ্ট সাহিত্যিক য়েছে দৰজে ঠংচি । লগতে টাংগা টাকি, কালিং বৰাং, ৱাংছাম জংচাম আদিকে ধৰি কেবাগৰাকী অৰুণাচলী সাহিত্যিক উপস্থিত থাকে ৷
