দৰং,9 মে': ৰেডক্ৰছৰ জন্ম দাতা জন হেনৰি ড’নাল্ডৰ জন্মদিন তথা 8 মে'ৰ দিনটো সমগ্ৰ বিশ্বতে বিশ্ব ৰেডক্ৰছ দিৱস হিচাপে পালন কৰি অহা হৈছে ৷ শনিবাৰে ভাৰতীয় ৰেডক্ৰছ ছ'চাইটিৰ দৰং জিলা শাখাই মঙলদৈস্থিত ৰেডক্ৰছ কাৰ্যালয়ত বিশ্ব ৰেডক্ৰছ দিৱস পালন কৰে ৷ দৰং জিলা ৰেডক্ৰছ চ'চাইটিৰ অধ্যক্ষ গোবিন্দ উপাধ্যায়ে পতাকা উত্তোলনেৰে আৰম্ভ কৰা কাৰ্যসূচীত ৰেডক্ৰছৰ জন্ম দাতা জন হেনৰি ড’নাল্ডৰ প্ৰতিচ্ছবিত মাল্যাৰ্পণ কৰে দৰং জিলা ৰেডক্ৰছ ছ'চাইটিৰ সম্পাদক হৰিচন্দ্ৰ শৰ্মাই ৷
উল্লেখ্য যে, ৰেডক্ৰছ দিৱস উপলক্ষে মঙলদৈৰ জনসাধাৰণৰ মাজত মাস্ক আৰু চাবোন বিতৰণ কৰে ছ'চাইটিৰ সদস্যসকলে ৷ এই অনুষ্ঠানত উপস্থিত থাকে দৰং জিলা ৰেডক্ৰছ চ'চাইটিৰ কোষাধ্যক্ষ জয়ন্ত শৰ্মা, সদৌ অসম ছাত্ৰ সন্থাৰ বিত্ত সম্পাদক খনিন্দ্ৰ ৰাজবংশী, দৰং জিলাৰ বিশিষ্ট সাংবাদিক তথা ৰেডক্ৰছৰ আজীৱন সভ্য মুকুট ৰাজ শৰ্মাসহ আন বহু কেইগৰাকী বিশিষ্ট ব্যক্তি ৷
লগতে পঢ়ক: পুনৰ প্ৰাণ পাই উঠিল ধুবুৰীৰ ৰূপসী বিমানবন্দৰ
