দলগাঁও,20 মে’: খাৰুপেটীয়াৰ আলিকাষ গাঁৱত এজন লোকৰ ঘৰৰ পিছফালে ফুলিছে এপাহ ৰং-বিৰঙী ফুল ৷ শুকুৰবাৰে বিয়লি ভাগত গৃহস্থই প্ৰত্যক্ষ কৰে এই আশ্চৰ্যকৰ ফুলপাহ ৷
জানিব পৰা মতে, গাঁৱখনৰ ছাইৰুদ্দিন আহমেদ নামৰ লোকজনৰ ঘৰৰ পিছফালে তামোলৰ বাৰীত থকা নেমু গছ এজোপাৰ তলত ফুলে এই ফুলপাহ ৷ ফুলপাহৰ উচ্চতা এক-ডেৰ ফুট বুলি জানিব পৰা গৈছে ৷
উল্লেখ্য যে, পুৱাৰ ভাগত ফুলপাহ নাছিল যদিও আবেলি নেমু চিঙিবলৈ গৈ গৃহস্থই প্ৰত্যক্ষ কৰে এই আচৰিত ৰং-বিৰঙী ফুলপাহ । এই খবৰ বিয়পি পৰাৰ লগে লগে ফুল চাবলৈ লানি নিচিগা সোঁত বয় গাঁৱবাসীৰ । ইফালে খবৰ পাই ঘটনাস্থলীত উপস্থিত হয় খাৰুপেটীয়া আৰক্ষী ৷
লগতে পঢ়ক: ধেমাজিৰ নৱনিযুক্ত উপায়ুক্ত ভাস্কৰ ৰেড্ডীৰ কাৰ্যভাৰ গ্ৰহণ
