দলগাঁও, 9 ছেপ্তেম্বৰ : বুধবাৰে দৰঙৰ খাৰুপেটীয়াত সংঘটিত হয় এক ভয়াৱহ পথ দুৰ্ঘটনা । মঙলদৈ অভিমুখী AS-01-DD -6333 নম্বৰৰ বালি ভৰ্তি ট্ৰাক এখনে বালুগাঁও সাপ্তাহিক বজাৰত পাচলি বিক্ৰী কৰিবলৈ অহা As-13 K 3547 আৰু As-13-K 7610 নম্বৰৰ বাইক দুখনক মহটিয়াই নিয়াত থিতাতে নিহত হয় তিনিজনকৈ লোক ।
ট্ৰাকৰ খুন্দাত দৰঙত থিতাতে নিহত 3 বাইক আৰোহী
দুৰ্ঘটনা সংঘটিত হোৱাৰ পিচতেই শ শ লোকে উত্তাল কৰি তোলে পৰিস্থিতি । বজাৰলৈ অহা অগণন লোকে দীৰ্ঘ সময় ধৰি 15 নম্বৰ ৰাষ্ট্ৰীয় ঘাইপথ অৱৰোধ কৰাত তীব্ৰ যানযটৰ সৃষ্টি হয় ৰাষ্টীয় ঘাইপথত। ঘটনাস্থলীত লগে লগে আৰক্ষীৰ লোক উপস্থিত হৈ পৰিস্থিতি নিমন্ত্ৰণ কৰি ৰাষ্ট্ৰীয় ঘাইপথ মুকলি কৰি
দিয়ে । উল্লেখ্য যে,দুৰ্ঘটনাত মৃত্যু লোক কেইজনৰ পৰিচয় বৰ্তমানলৈ জানিব পৰা হোৱা নাই ।
লগতে পঢ়ক : ৰে'ল ব্যক্তিগতকৰণৰ বিৰুদ্ধে মালিগাঁৱত ৰে'ল কৰ্মচাৰীৰ প্ৰতিবাদ
