দলগাঁও, 29 জুলাইঃ দলগাঁৱৰ বেছিমাৰীত গাঁও পঞ্চায়তৰ উদ্যোগত আজি ৰূপায়ণ কৰা হয় ছেনিটাইজেচন কাৰ্যসূচী ৷ মহামাৰী কৰ’ণা ভাইৰাছৰ পৰা পৰিত্ৰাণ পাবলৈ দৰঙৰ বেছিমাৰীস্থিত অসম গ্ৰামীণ বিকাশ বেংকৰ শাখা,চি এছ পি কেন্দ্ৰ,ষ্টেট বেংক অফ ইণ্ডিয়াৰ চি এছ পি কেন্দ্ৰকে আদি কৰি সমগ্ৰ বেছিমাৰীত থকা দোকান-পোহাৰ আদি ছেনিটাইজ কৰা হয় ৷
বেছিমাৰী গাঁও পঞ্চায়তৰ উদ্যোগত ছেনিটাইজেচন কাৰ্যসূচী
ইয়াৰ উপৰি অসম গ্ৰামীণ বিকাশ বেংকৰ বেছিমাৰী শাখাৰ বেছিমাৰীস্থিত গ্ৰাহক সেৱা কেন্দ্ৰত পঞ্চায়তৰ ফালৰ পৰা বিনামূলীয়াকৈ মাস্ক বিতৰণ কৰে । আনহাতে বেছিমাৰী গাঁও পঞ্চায়তৰ বিষয়ববীয়া সকলে মাস্ক,সামাজিক দূৰত্বৰ লগতে ছেনিটাইজাৰ ব্যৱহাৰ কৰিবলৈ সকলোকে আহ্বান জনায় ৷
উল্লেখযোগ্য যে,কিছুদিন পূৰ্বে অসম গ্ৰামীণ বিকাশ বেংকৰ বেছিমাৰী শাখাৰ এগৰাকী কৰ্মচাৰী কৰ'ণা ভাইৰাছত আক্ৰান্ত হৈছিল ৷
