মঙলদৈ , 4 ডিচেম্বৰঃ বেজী গৰম কৰি গমাৰি কাঠত দেশৰ প্ৰতিষ্ঠিত আৰু মহান ব্যক্তি সকলৰ ছবি নিখুঁতকৈ অংকন কৰি গৈছে মঙ্গলদৈৰ জিতুমণি নামৰ যুৱকজনে ৷ যুৱকজন পূৰ্বতে কোনোধৰণেই জড়িত নাছিল সুকুমাৰ কলাৰ সৈতে ৷ যুৱকজনে সামাজিক মাধ্যমত youtube ৰ পৰা Pyrography কলাৰ প্ৰতি আগ্ৰহী হৈ জড়িত হৈ পৰিছিল শিল্পটোৰ সৈতে ৷ কাঠত লোহাৰ গৰম বেজীৰে খুচি জিতুমণিয়ে নিৰ্মাণ কৰি উলিয়াইছে মহাপুৰুষ শঙ্কৰদেৱ, প্ৰধান মন্ত্ৰী নৰেন্দ্ৰ মোদী, লতা মংগেছকাৰ, ভূপেন হাজৰিকা, ড৹ সৰ্বপল্লী ৰাধাকৃষ্ণণ, চাৰ্লি চেপলিন আৰু বহুতো প্ৰসিদ্ধ ব্যক্তিৰ ছবি ৷
পেছাত কম্পিউটাৰ শিক্ষক যুৱকজনে কেৱল নিজৰ ভাল লগাৰ বাবেহে এই শিল্পৰ লগত জড়িত হৈছিল যদিও শুভাকাংক্ষী সকলৰ অনুৰোধৰ বাবে তেওঁ এই পেছাদাৰীভাৱে এই কামত আগবঢ়াৰ কথা চিন্তা কৰিছে বুলি জানিবলৈ দিছে ৷ অসমত এই শিল্পক এক বিশেষ ৰূপ দি এক বাণিজ্যিক শিল্পৰ ৰূপ দিয়া তথা পেছাগতভাৱে এই কাম কৰাৰ বাবে অৱকাশ আছে বুলি মন্তব্য কৰে অগ্ৰণী যুৱকজনে ৷
লগতে পঢ়কঃ কেব গৃহীত হোৱাৰ পাচতহে পদক্ষেপ গ্ৰহণ কৰিব অসম গণ পৰিষদে !
