কলাইগাঁও কাণ্ডঃ কেনে আছে যাদৱ চহৰীয়া আৰু তেখেতৰ পৰিয়াল ? কি কয় পত্নীয়ে !

কিন্তু  এতিয়া কেনে আছে পৰিয়ালটো? কুশলে আছেনে যাদৱ চহৰীয়া আৰু তেখেতৰ পত্নী ? অন্ধ বিশ্বাস দূৰ কৰিবলৈ কি পদক্ষেপ লৈছে চৰকাৰ, দল-সংগঠন তথা দৰং জিলা প্ৰশাসনে ?

নিউজ ডেস্ক, 4 অক্টোবৰঃ 2019 চনৰ 6 জুলাই, স্থান ওদালগুৰি জিলাৰ কলাইগাঁও ৷ অন্ধ বিশ্বাসৰ বলি হৈছিল কলাইগাঁৱৰ কুলশীপাৰৰ এটা পৰিয়াল ৷ অন্ধবিশ্বাসৰ বশৱৰ্তী হৈ উলংগ পূজা-পাঠ আৰু নৰবলি(!) দিয়াৰ চেষ্টা চলিছিল মাজখুটি লাল বাহাদুৰ শাস্ত্ৰী হাইস্কুলৰ বিজ্ঞান শিক্ষক যাদৱ চহৰীয়া আৰু তেখেতৰ পৰিয়ালবৰ্গই ৷ অগ্নি সংযোগ কৰিছিল ঘৰৰ সা-সম্পত্তিত ৷ পৰিস্থিত নিয়ন্ত্ৰণৰ বাবে আৰক্ষীয়ে গুলীচালনা কৰিবলৈ বাধ্য হৈছিল ৷ স্থানীয় ৰাইজ আৰু এজন ছাত্ৰ নেতাৰ সহযোগত উদ্ধাৰ কৰা হৈছিল বলি দিবলৈ অনা বুলি সন্দেহ কৰা শিশুটিক ৷ আৰক্ষীয়ে পৰিস্থিতি নিয়ন্ত্ৰণৰ বাবে ভৰিত গুলীয়াইছিল পৰিয়ালটোৰ একমাত্ৰ পুত্ৰ তথা এমবিএ ডিগ্ৰীধাৰী পুলকেশ চহৰীয়াক, পৰৱৰ্তী সময়ত মৃত্যু হয় পুলকেশৰ ৷ ঘটনাত আহত হৈছিল পিতৃ যাদৱ চহৰীয়া ৷ সমগ্ৰ ৰাজ্য তথা দেশ জোঁকাৰি গৈছিল অন্ধ বিশ্বাসৰ এই ঘটনাই ৷

কিন্তু এতিয়া কেনে আছে পৰিয়ালটো? কুশলে আছেনে যাদৱ চহৰীয়া আৰু তেখেতৰ পত্নী ? অন্ধ বিশ্বাস দূৰ কৰিবলৈ কি পদক্ষেপ লৈছে চৰকাৰ, দল-সংগঠন তথা দৰং জিলা প্ৰশাসনে ?

প্ৰথমে শুনক, যাদৱ চহৰীয়াৰ পত্নী তথা তেখেতৰ পৰিয়ালৰ ভাষ্য....

মাটি বিক্ৰী কৰি চিকিৎসা চলাই আছে যাদৱ চহৰীয়াৰ ৷ বৰ্তমানেও গুৱাহাটী মেডিকেল কলেজ হাস্পাতাল চিকিৎসাধীন চহৰীয়া ৷ পত্নী বৰ্তমান আশ্ৰয় গ্ৰহণ কৰি আছে নিজৰ ককায়েকৰ ঘৰত ৷

কিন্ত কলাইগাঁৱৰ পৰা জানো দূৰ হ'ল অন্ধ বিশ্বাস?

স্থানীয় লোকৰ ভাষ্য যাদৱ চহৰীয়াৰ ঘৰৰ পৰা ভাঁহি আহে কান্দোনৰ ৰোল, কোনোবাই শিলগুটি দলিওৱাৰ শব্দ আৰু কোনো কোনো দেখিছে দুজন মানুহৰ প্ৰতিচ্ছবি ৷

কি কয় দল সংগঠন তথা স্থানীয় লোকে ?

কলাইগাঁও কাণ্ডৰ মূল অভিযুক্ত তান্ত্ৰিক ৰমেশ চহৰীয়া বৰ্তমান আৰক্ষীৰ জালত যদিও বৰ্তমানেও পলাতক আন এজন অভিযুক্ত কাজল ভূঞা ৷

কোনে দিব সমাধান ! আৰু কিমান দিনলৈ সমাজত চলি থাকিব এইধৰণ অন্ধ-বিশ্বাসৰ ঘটনা ৷ কোনে বুজাব এইসকল লোকক!