গুৱাহাটী : এইবাৰ ছিংগাপুৰলৈ বিনিয়োগকাৰী বিচাৰি যাব মুখ্যমন্ত্ৰী হিমন্ত বিশ্ব শৰ্মা । অহা ২৫ আৰু ২৬ ফেব্ৰুৱাৰীত গুৱাহাটীত হ’বলগীয়া এডভাণ্টেজ আছাম ২.০ৰ প্ৰচাৰৰ বাবে দুদিনীয়া ভ্ৰমণসূচীৰে ছিংগাপুৰলৈ যাব মুখ্যমন্ত্রী হিমন্ত বিশ্ব শর্মা ৷ অহা ১০ ফেব্রুৱাৰীৰ পৰা ছিংগাপুৰ ভ্ৰমণৰ কথা দেওবাৰে নিজৰ সামাজিক মাধামযোগে ঘোষণা কৰে মুখ্যমন্ত্ৰীয়ে । এডভান্টেজ আছাম ২.০ সন্মিলনৰ পূর্বে উদ্যোগপতি আৰু চৰকাৰী বিষয়াসকলৰ সৈতে আলোচনা কৰিবলৈ মুখামন্ত্রী ছিংগাপুৰত উপস্থিত হ'ব ।
ছিংগাপুৰৰ এই ভ্রমণ আগন্তুক সন্মিলনৰ অংশীদাৰ দেশখনৰ সৈতে দীর্ঘদিন ধৰি অসমৰ উন্নয়নমূলক পদক্ষেপৰ সৈতে জড়িত । ছিংগাপুৰত ড৹ শর্মাই এখন ৰোড শ্ব’তো অংশগ্রহণ কৰিব ৷ লগতে, ছেমিকণ্ডাক্টৰ, আন্তঃগাঁথনি, নির্মাণ আমি উদ্যোগৰ মুখ্য ব্যৱসায়িক নেতৃবন্দৰ সৈতে পৃথক পৃথক বৈঠকত অংশগ্রহণ কৰিব ।
Starting tomorrow, I will be in Singapore for the next two days to promote Advantage Assam, highlighting the state’s growing potential in sectors such as semiconductors, deep technology, infrastructure, and manufacturing. We will host a roadshow and hold one-on-one meetings with…
— Himanta Biswa Sarma (@himantabiswa) February 9, 2025
তেওঁ অসমক উদীয়মান উদ্যোগসমূহৰ প্ৰাণকেন্দ্র হিচাপে গঢ়ি তোলাৰ লগতে বিশ্বৰ সমস্যাসমূহৰ উদ্ভাৱনীমূলক সমাধানৰ দিশত কাম কৰি থকা উন্নত উদ্যোগসমূহৰ জৰিয়তে অসমত বিনিয়োগৰ সম্ভাৱনাময় দিশসমূহ দাঙি ধৰিব । উল্লেখযোগ্য যে, শেহতীয়াভাৱে জানুৱাৰী মাহত মুখ্যমন্ত্ৰী গৰাকীয়ে এডভান্টেজ আছাম ২.০ৰ প্ৰচাৰেৰে বিনিযোগকাৰীৰ সন্ধানত দক্ষিণ কোৰিয়া আৰু জাপান ভ্ৰমণ কৰিছিল । দুয়োখন দেশতেই অংশগ্ৰহণ কৰিছিল ৰোড শ্ব’তো ।
আধ্যাত্মিক গুৰু সদগুৰুৰে বাৰ্তালাপ :
মুখ্যমন্ত্রীয়ে দেওবাৰে পুৱা আধ্যাত্মিক গুৰু সদগুৰুক দিশপুৰৰ নিজৰ বাসগৃহত আতিথ্য প্রদান কৰে আৰু তেওঁৰ সৈতে বিশেষ বার্তালাপত মিলিত হয় । মুখ্যমন্ত্রীয়ে সদগুৰুৰ আধ্যাত্মিকতা আৰু বিকাশৰ বাবে প্রকৃতিকেন্দ্রিক দৃষ্টিভংগীৰ দ্বাৰা অনুপ্রাণিত হোৱাৰ কথা গুৰুগৰাকীক অৱগত কৰে ।
পৰৱৰ্তী সময়ত লোকসেৱা ভৱনত সদগুৰুৱে অসম চৰকাৰৰ জ্যেষ্ঠ বিষয়াসকলৰ সৈতে এক মুকলি মত বিনিময় অনুষ্ঠানত মিলিত হয় । উত্তম চৰকাৰী শাসন ব্যৱস্থা প্রদানৰ সময়ত আধ্যাত্মিক চেতনা সংহত কৰাৰ গুৰুত্বৰ বিষয়ে তেওঁ আলোকপাত কৰি মুখ্যমন্ত্রী সমন্বিতে সকলোকে সমৃদ্ধ কৰি তোলে । ইয়াৰ পাছত মুখ্যমন্ত্রী হিমন্ত বিশ্ব শৰ্মা আৰু সদগুৰু দুয়োজনে বন্দ্যা আন্তঃৰাষ্ট্রীয় বিদ্যালয়ত এক কার্যসূচীত অংশগ্রহণ কৰে, য'ত সমাজ জীৱনৰ বিভিন্ন ক্ষেত্ৰৰ পৰা অহা লোকে যোগদান কৰে ।
