মঙলদৈ,২৫ জুনঃ দৰং জিলাৰ খাৰুপেটিয়াত পৌৰসভাৰ বিৰুদ্ধে অটো চালকৰ প্ৰতিবাদ । কাৰ্যবাহী বিষয়া যুৱৰাজ বৰঠাকুৰক বিহিত ব্যৱস্থাৰ দাবীত এক স্মাৰক পত্ৰ প্ৰদান কৰে প্ৰতিবাদকাৰী সকলে ।
দৰঙৰ খাৰুপেটীয়া পৌৰসভাৰ জি এন বি ৰোডত অটোচালক সকলে বিগত ১০/১২ বছৰ ধৰি মাহিলী মাচুল আদায় দি পাৰ্কিং কৰি আহিছিল অটো সমূহ। খাৰুপেটীয়াৰ এই অস্থায়ী অটোৰ আস্থানটো হঠাতে খাৰুপেটীয়া পৌৰসভাই যান বাহন আৰক্ষীৰ সহযোগত বন্ধ কৰি দিয়াত চালক সকলৰ মাজত হাঁহাকাৰ পৰিস্থিতিৰ সৃষ্টি হয় । সেই লৈ চালক সন্থাই তীব্ৰ প্ৰতিবাদ সাব্যস্ত কৰে খাৰুপেটীয়া পৌৰ সভাৰ বিৰুদ্ধে । চালকসকলে জি এন বি ৰোডৰ অস্থায়ী অটো আস্থানৰ পৰা সমদল কৰি পৌৰসভাৰ কাৰ্যালয়ৰ সন্মুখত বিভিন্ন শ্ল'গান দি তীব্ৰ প্ৰতিবাদ সাব্যস্ত কৰে।
লগতে প্ৰতিবাদকাৰী সকলে দলগাঁও ৰাজহ চক্ৰৰ চক্ৰ বিষয়া তথা পৌৰসভাৰ কাৰ্যবাহী বিষয়া যুবৰাজ বৰঠাকুৰক স্থায়ী অটো আস্থানৰ ব্যৱস্থা কৰি দিবলৈ এক স্মাৰক পত্ৰ প্ৰদান কৰে ।
লগতে আন এটা বাতৰি- মাৰ্ঘেৰিটাৰ ৩৮ নং ৰাষ্ট্ৰীয় ঘাইপথত প্ৰদ্যুৎ বৰদলৈৰ পুত্তলিকা দাহ
