দৰং,21এপ্ৰিল: উত্তৰ-পূৰ্বাঞ্চলৰ লগতে বহিঃৰাজ্যলৈ পাচলি আমদানি কৰা দৰঙৰ খাৰুপেটীয়াৰ আলিকাষ বজাৰৰ কদৰ্য্যময় পৰিৱেশে এতিয়া সকলোকে জ্বলা-কলা খুৱাইছে । বিহুদিয়া গাঁও পঞ্চায়তৰ বৃহৎ আলিকাষ বজাৰত এজাক বৰষুণতে একাঁঠু পানী জমা হৈ সৃষ্টি হোৱা বোকাময় পৰিৱেশৰ বাবে যান-বাহনৰ লগতে খোজ কাঢ়ি যোৱাটোও অসম্ভৱ হৈ পৰিছে । ইপিনে বোকা পানীৰ মাজতেই ক্ৰেতা-বিক্ৰেতাই চলাই গৈছে দৈনিক ব্যৱসায় । একাংশৰ মতে দৰঙৰ দলগাঁও শিয়ালমাৰী উন্নয়ন খণ্ডৰ বিহুদিয়া গাঁও পঞ্চায়তৰ আলিকাষ বজাৰ উন্নয়নৰ নামত বিগত বৰ্ষবোৰত বিভিন্ন শিতানত লাখ লাখ টকা আবন্টন দিয়া হৈছিল যদিও নাম মাত্ৰ কাম কৰি সমুদায় ধন আত্মসাত কৰে একাংশ বিষয়া তথা পঞ্চায়ত প্ৰতিনিধি আৰু ঠিকাদাৰে । ইফালে দৈনিক বজাৰখনলৈ বোকা পানী গচকি অহা ব্যৱসায়ী আৰু গ্ৰাহকসকলে বজাৰখনৰ উন্নয়নৰ প্ৰতি গুৰুত্ব দিয়াৰ বাবে চৰকাৰক দাবী জনাইছে ।
খাৰুপেটীয়াৰ আলিকাষ বজাৰৰ পৰিৱেশে জ্বলা-কলা খুৱাইছে সাধাৰণ জনতাক - দৰং
দৰঙৰ খাৰুপেটীয়াৰ আলিকাষ বজাৰৰ কদৰ্য্যময় পৰিৱেশ । ক্ৰেতা-বিক্ৰেতাৰ হাহাকাৰ অৱস্থা । লাখ লাখ টকা লুণ্ঠনৰ অভিযোগ ৷
দৰং,21এপ্ৰিল: উত্তৰ-পূৰ্বাঞ্চলৰ লগতে বহিঃৰাজ্যলৈ পাচলি আমদানি কৰা দৰঙৰ খাৰুপেটীয়াৰ আলিকাষ বজাৰৰ কদৰ্য্যময় পৰিৱেশে এতিয়া সকলোকে জ্বলা-কলা খুৱাইছে । বিহুদিয়া গাঁও পঞ্চায়তৰ বৃহৎ আলিকাষ বজাৰত এজাক বৰষুণতে একাঁঠু পানী জমা হৈ সৃষ্টি হোৱা বোকাময় পৰিৱেশৰ বাবে যান-বাহনৰ লগতে খোজ কাঢ়ি যোৱাটোও অসম্ভৱ হৈ পৰিছে । ইপিনে বোকা পানীৰ মাজতেই ক্ৰেতা-বিক্ৰেতাই চলাই গৈছে দৈনিক ব্যৱসায় । একাংশৰ মতে দৰঙৰ দলগাঁও শিয়ালমাৰী উন্নয়ন খণ্ডৰ বিহুদিয়া গাঁও পঞ্চায়তৰ আলিকাষ বজাৰ উন্নয়নৰ নামত বিগত বৰ্ষবোৰত বিভিন্ন শিতানত লাখ লাখ টকা আবন্টন দিয়া হৈছিল যদিও নাম মাত্ৰ কাম কৰি সমুদায় ধন আত্মসাত কৰে একাংশ বিষয়া তথা পঞ্চায়ত প্ৰতিনিধি আৰু ঠিকাদাৰে । ইফালে দৈনিক বজাৰখনলৈ বোকা পানী গচকি অহা ব্যৱসায়ী আৰু গ্ৰাহকসকলে বজাৰখনৰ উন্নয়নৰ প্ৰতি গুৰুত্ব দিয়াৰ বাবে চৰকাৰক দাবী জনাইছে ।
