দলগাঁও, 11 আগষ্টঃ সমগ্ৰ ৰাজ্যৰ লগতে দেওবাৰে দৰঙটো সীমান্ত কনিষ্টবল আৰু আৰক্ষীৰ বিভিন্ন খালি পদ সমূহ পূৰণৰ বাবে পৰীক্ষা অনুষ্ঠিত হয়৷ বেছিমাৰী উচ্চতৰ মাধ্যমিক বিদ্যালয়তো অনুষ্ঠিত হয় এই পৰীক্ষা৷
সীমান্ত আৰক্ষী কনিষ্টবলৰ পৰীক্ষাৰ বিসংগতিক লৈ উত্তপ্ত দৰং কিন্তু এই পৰীক্ষাত ব্যাপক খেলিমেলি হোৱাত পৰীক্ষা কেন্দ্ৰৰ বাহিৰলৈ ওলাই আহি প্ৰতিবাদ সাব্যস্ত কৰে পৰীক্ষাৰ্থীসকলে | ক্ষোভিত পৰীক্ষাৰ্থীয়ে অসম চৰকাৰ হায় হায়, সীমান্ত আৰক্ষী মুৰ্দাবাদ আদি ধ্বনিৰে উত্তাল কৰি তোলে বেছিমাৰী পৰীক্ষা কেন্দ্ৰ | অৱশেষত ঘটনাস্থলীত আৰক্ষী উপস্থিত হৈ নিয়ন্ত্ৰণ কৰে সমগ্ৰ পৰিস্থিতি ৷ আনহাতে পৰীক্ষাৰ্থী সকলে অতিশীঘ্ৰে এই পৰীক্ষা পুনৰ অনুষ্ঠিত কৰিবলৈ দাবী জনোৱাৰ লগতে বিভাগীয় কৰ্তৃপক্ষৰ বিৰুদ্ধেও বিহীত ব্যৱস্থা গ্ৰহণ কৰিবলৈ দাবী জনায় |
