কৃষক বিৰোধী আইনৰ বিৰুদ্ধে মঙলদৈত কংগ্ৰছৰ প্ৰতিবাদঃআটক তত্ত্বাৱধায়ক জিতেন্দ্ৰ সিং

শনিবাৰে দৰং জিলা কংগ্ৰেছ কমিটিৰ উদ্যোগতো কৃষক বিৰোধী আইনৰ বিৰোধিতাৰে ৰূপায়ণ কৰা হয় এক প্ৰতিবাদী কাৰ্যসূচী ৷ মঙলদৈ ৰাজীৱ ভৱনত অনুষ্ঠিত বিশাল প্ৰতিবাদী সভাত অংশগ্ৰহণ কৰে প্ৰদেশ কংগ্ৰেছৰ নৱনিযুক্ত তত্ত্বাৱধায়ক জিতেন্দ্ৰ সিঙে ৷

দৰং, 7অক্টোবৰঃ কেন্দ্ৰীয় চৰকাৰে প্ৰণয়ন কৰা কৃষক বিৰোধী আইনৰ বিৰুদ্ধে সমগ্ৰ দেশৰ লগতে ৰাজ্যজুৰি বৰ্তমানেও অব্যাহত আছে তীব্ৰ প্ৰতিবাদ ৷ শনিবাৰে দৰং জিলা কংগ্ৰেছ কমিটিৰ উদ্যোগতো কৃষক বিৰোধী আইনৰ বিৰোধিতাৰে ৰূপায়ণ কৰা হয় এক প্ৰতিবাদী কাৰ্যসূচী ৷ মঙলদৈ ৰাজীৱ ভৱনত অনুষ্ঠিত বিশাল প্ৰতিবাদী সভাত অংশগ্ৰহণ কৰে প্ৰদেশ কংগ্ৰেছৰ নৱনিযুক্ত তত্ত্বাৱধায়ক জিতেন্দ্ৰ সিঙে ৷ তদুপৰি প্ৰদেশ কংগ্ৰেছৰ সভাপতি ৰিপুন বৰা, উপ-সভাপতি ৰকিবুল হুছেইন, সাংসদ প্ৰদ্যুৎ বৰদলৈ, গৌৰৱ গগৈ, বিধায়ক ৰেকিবুদ্দিন আহমেদ, ৰাণা গোস্বামীকে ধৰি বহু নেতা উপস্থিত থাকে এই প্ৰতিবাদী সভাত ৷

ইপিনে প্ৰতিবাদী সভাৰ পিছতে 15 নং ৰাষ্ট্ৰীয় ঘাইপথেৰে ট্ৰেক্টৰেৰে এক ৰেলী বাহিৰ কৰে কংগ্ৰেছ দলে ৷ কিন্তু আধা বাটতে প্ৰতিবাদকাৰী সকলক বাধা দিয়ে দৰং আৰক্ষীয়ে ৷ ইয়াকে লৈ উত্তাল হৈ পৰে প্ৰতিবাদস্থলী ৷ আনহাতে, বেৰিকেড পাৰ হ'বলৈ চেষ্টা কৰা তত্ত্বাৱধায়ক জিতেন্দ্ৰ সিং, ৰিপুন বৰা, ৰকিবুল হুছেইন, গৌৰৱ গগৈ, প্ৰদ্যুৎ বৰদলৈ, নন্দিতা দাস, ৰেকিবুদ্দিন আহমেদ, ৰাণা গোস্বামীকে ধৰি সকলো প্ৰতিবাদকাৰীক আটক কৰে আৰক্ষীয়ে ৷

লগতে পঢ়কঃ অসমৰ বিদ্যালয়ত মিজো দুৰ্বৃত্তৰ বোমা বিস্ফোৰণ