এটেনশ্বন দিলীপ শইকীয়া ! আপোনাৰ সমষ্টিবাসীয়ে নিজেই দলং বনাই যাতায়ত অব্যাহত ৰাখিছে

গড়কাপ্তানী বিভাগৰ উন্নয়নৰ ফোঁপোলা স্বৰূপ দেখা গ'ল দৰঙত । বিগত ১৫/ ২০ বছৰতো দৰঙৰ মঙলদৈ সমষ্টিত নিৰ্মাণ নহ'ল এখন পকী দলং । অৱশেষত দলংখন ৰাইজে মেৰামতি কৰি অব্যাহত ৰাখিছে যাতায়ত ।

দলগাঁও, 3 ফেব্ৰুৱাৰী : বিগত 15/20 বছৰতো নিৰ্মাণ নহ'ল মঙলদৈৰ এখন পকী দলং । মন্ত্ৰী হিমন্ত বিশ্ব শৰ্মাৰ গড়কাপ্তানী বিভাগৰ উন্নয়নৰ ফোঁপোলা স্বৰূপ দেখা গ'ল দৰঙত । মঙলদৈ সমষ্টিৰ ১/২ নং মাগুৰমাৰী গাঁৱৰ হাজাৰ হাজাৰ লোকে যাতায়ত কৰা একমাত্ৰ দলংখনৰ বৰ্তমানৰ অৱস্থা তেনেই শোচনীয় ৷ জৰাজীৰ্ণ দলঙখনে যমৰ যাতনা দিছে মঙ্গলদৈ সমষ্টিৰ চৰাঞ্চলৰ হাজাৰ হাজাৰ লোকক । মৰণক শৰণ দি যাতায়ত কৰিবলগীয়া হৈছে বৃহত্তৰ চৰাঞ্চলৰ হাজাৰ হাজাৰ ৰাইজৰ লগতে কণ-কণ ছাত্ৰ-ছাত্ৰী সকলে । অঞ্চলটোৰ ৰাইজে বহু আবেদন কৰিও চৰকাৰৰ পৰা নাপালে এখন পকী দলং । নিৰ্বাচনৰ সময়ত পকী দলং নিৰ্মাণ কৰি দিয়াৰ প্ৰতিশ্ৰুতি প্ৰদান কৰা জন প্ৰতিনিধি সকলে ৰাইজক দিয়া প্ৰতিশ্ৰুতি পাহৰি যায় বুলি মন্তব্য কৰে স্থানীয় লোকে । যাতায়তৰ বাবে ৰাইজে বাঁহৰে দলঙখন মেৰামতি কৰিছে যদিও ছাত্ৰ ছাত্ৰী আৰু ৰাইজে দলঙখন অতি শীঘ্ৰেই মেৰামতি কৰিবৰ বাবে চৰকাৰক কাতৰ অনুৰোধ জনাইছে ৷

আৰু পঢ়ক : পথৰুঘাটে ৰিঙিয়াই ....!!