ভুৱা ফেচবুক একাউণ্ট খুলি ৰঙাঘৰৰ আলহী যুৱক

দৰঙত ভুৱা ফেচবুক একাউণ্ট খুলি গ্ৰেপ্তাৰ হ'ল এজন যুৱক । ভুৱা ফেচবুক একাউন্টত ছিপাঝাৰৰ এগৰাকী যুৱতীৰ ফটো আপলোড দি অশ্লীল মন্তব্যৰে শালীনতা হানি কৰাৰ অপৰাধত ছিপাঝাৰ আৰক্ষীয়ে গ্ৰেপ্তাৰ কৰে এজন যুৱকজনক

দৰং, 4 ছেপ্তেম্বৰঃ দৰঙত ভুৱা ফেচবুক একাউণ্ট খুলি আৰক্ষীৰ জালত পৰিল এজন যুৱক ৷ তথ্যানুসৰি, খৈৰাবাৰীৰ ৰিতুল ভট্টাচাৰ্য নামৰ যুৱক এগৰাকীয়ে ছিপাঝাৰৰ এগৰাকী যুৱতীৰ ফটোসহ অশ্লীল মন্তব্য ফেচবুকত ভুৱা একাউণ্ট খুলি আপলোড দিছিল ৷ যুৱতী গৰাকীৰ এজাহাৰৰ ভিত্তিত ছিপাঝাৰ আৰক্ষী থানাৰ ভাৰপ্ৰাপ্ত বিষয়া চন্দ্ৰ কলিতা আৰু দৰং জিলা আৰক্ষীৰ চাইবাৰ চেলৰ উপ-পৰিদৰ্শক কৃষ্ণ কান্ত লস্কৰ নেতৃত্বত এটা আৰক্ষীৰ দলে খৈৰাবাৰীৰ পৰা অভিযুক্ত যুৱকজনক আটক কৰে ৷ সম্প্ৰতি ছিপাঝাৰ আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে ৷