চিৰাং, ১৫ এপ্ৰিল চিৰাঙৰ চিদলীৰ ৩১ নং ৰাষ্ট্ৰীয় ঘাই পথত আৰক্ষীয়ে অভিযান চলাই জব্দ কৰে ২৬২.৫ কেজি গাঞ্জা । এখন এন.এল ০২কিউ--৮৮৭১ নম্বৰৰ ট্ৰেইলাৰত জব্দ কৰা হয় গাঞ্জাখিনি । সুনীল নামৰ লোক এজনৰ নিৰ্দেশতে কৰিমগঞ্জৰ পৰা কলিকতালৈ গাঞ্জাখিনি লৈ যাবলৈ ওলোৱা হৈছিল বুলি জানিবলৈ দিয়ে গাড়ীচালক ৰমেশ কুমাৰে ।
চিৰাঙত উদ্ধাৰ বৃহৎ পৰিমাণৰ গাঞ্জা
ঘটনা সন্দৰ্ভত জিলা আৰক্ষী সুধাকৰ সিঙে জনায় যে ৰুণীখাতা চক্ৰ আৰক্ষী বিষয়া ৰুস্থম ৰাজ ব্ৰহ্মৰ নেতৃত্বত চিদলী থানাৰ আৰক্ষীৰ সহায়ত অভিযান চলাই জব্দ কৰিবলৈ সক্ষম হয় গাঞ্জাখিনি । আৰক্ষীয়ে ঘটনা সন্দৰ্ভত গাড়ীচালক ৰমেশ কুমাৰক আটক কৰি ইতিমধ্যেই তদন্ত আৰম্ভ কৰিছে ।
