চিৰাঙত ধৰ্ষণকাৰীক ৰক্ষণাবেক্ষণ আৰক্ষী আৰু চিকিৎসকৰ
ভুক্তভোগী মহিলাগৰাকীয়ে বৰ্তমান ভয়তে ঘৰ এৰি আন ঠাইত থাকিবলগীয়া হৈছে। মহিলাগৰাকীয়ে ন্যায় নাপালে স্বামী-স্ত্ৰী একেলগে থানাৰ সন্মুখতে আত্মহত্যা কৰাৰ হুংকাৰ দিয়ে। আনহাতে মেডিকেল ৰিপোৰ্ট হেৰুৱাৰ কথা স্বীকাৰ কৰে কাজলগাঁও জে এছ বি অসামৰিক চিকিৎসালয়ৰ অধ্যক্ষ চিকিৎসক ড০ মনোজ কুমাৰ দাসে। দাসে সমগ্ৰ ঘটনাৰ বাবে দায়ী কৰে এজন হোমগাৰ্ডক। মহিলাগৰাকীৰ মেডিকেল পৰীক্ষা কৰিছিল চিকিৎসক অনিতা ৰায়ে ।
আক্ৰাছুৰ চিৰাং জিলা সমিতিৰ সভাপতি প্ৰাঞ্জল ৰায়ে আৰ এচ এচ নেতা হোৱা বাবে বিগত চাৰিদিনে বিমল বৰ্মনক আৰক্ষীয়ে গ্ৰেপ্তাৰ নকৰি সোধপোচ কৰাৰ নাটক ৰচিছে বুলি অভিযোগ কৰে। তেওঁ মেডিকেল ৰিপোৰ্ট হেৰুৱাটোও আৰ এছ এছৰ চতুৰালি বুলি উল্লেখ কৰে।
